Hádegisfréttir

Hádegisfréttir 10. ágúst 2026

Búast má við umferðartöfum víða á vestanverðu landinu á miðvikudag vegna almyrkva á sólu. Fólk er hvatt til að fylgjast með myrkvanum heima, leggi það í ferðalög má búast við töfum.

Nágrannar segjast hafa séð tvo dökkklædda menn ganga að húsi á Kársnesi í Kópavogi í gær þar sem maður lést eftir alvarlega líkamsárás. Nokkrir voru handteknir en lögregla hefur ekki tekið ákvörðun um hvort hún óski eftir gæsluvarðhaldi.

Verkalýðshreyfingin segir að stjórnvöld og atvinnurekendur verði að axla ábyrgð á erfiðu efnahagsumhverfi og grípa til aðgerða. Að öðrum kosti verði kjarasamningum sagt upp.

Um 900 milljónir manna búa í löndum og landssvæðum þar sem methiti mældist í júlí. Gróðureldar loga enn í Evrópu og Kanada.

Fjöldi björgunarsveita á Suðurlandi kom að björgun göngumanns sem slasaðist á fæti í gilinu við Háafoss í gærkvöldi. Þyrla Landhelgisgæslunnar var kölluð til en að endingu var maðurinn borinn á sjúkrabörum úr gilinu og færður í sjúkrabíl.

Framkvæmdastjóri heilbrigðiseftirlits sveitarfélaga á höfuðborgarsvæðinu utan Reykjavíkur segir sífellt flóknara að sinna matvælaeftirliti með tilkomu netverslana. Fæðubótarefni hafa valdið koffíneitrun hjá ungmennum sem neyta þess.

Hilmar Örn Jónsson er kominn í úrslit í sleggjukasti á Evrópumóti í frjálsíþróttum í Birmingham sem hófst í morgun, eins og EM í sundi þar sem átta Íslendingar kepptu í dag.

Birt

10. ágúst 2026

Aðgengilegt til

Rennur ekki út

• 00:01:44 Þung umferð vestur vegna Sólmyrkva
• 00:02:56 Lögreglustjórinn á Vesturlandi
• 00:05:42 Morð í Kópavogi
• 00:06:25 Staðan á vinnumarkaði
• 00:09:11 Enn slegið hitamet í júlí
• 00:11:45 Sérfræðingur um loftslag
• 00:13:43 Leit að báti
• 00:14:05 Slasaður ferðamaður
• 00:15:01 Lestarferðir hafnar milli Svíþjóðar og Finnlands
• 00:15:45 Erfiðara að haga matvælaeftirliti á netinu
• 00:18:09 13 drepnir í árás Úkraínumanna
• 00:18:45 Íþróttir
• 00:20:56 Veður
• 00:21:06 Seinni helst

Útvarpsfréttir.