Hádegisfréttir

Hádegisfréttir 19. janúar 2024

Rafmagnslaust var í fjóra og hálfa klukkustund í Grindavík í morgun. Verið er að tengja varaaflsvél Landsnets við dreifikerfi bæjarins og önnur vél er á leiðinni.

Íslenska hagkerfið ræður vel við að kaupa fasteignir Grindvíkinga. Bæjarfélagið hefur skilað miklu til samfélagsins og enginn getur skorast undan ábyrgð, segir viðskiptaráðherra.

Í dag skýrist hvort kjaraviðræðum Samtaka atvinnulífsins og félaga innan ASÍ verður vísað til ríkissáttasemjara.

Bandaríska fyrirtækið JBT stefnir á að ljúka yfirtöku á Marel á þessu ári. Stjórn Marels hefur samþykkt að fara í formlegar viðræður við JBT á grundvelli uppfærðrar viljayfirlýsingar um yfirtöku.

Frumvarp um breytingar á raforkulögum, sem tryggja á að smærri notendur fái forgang, verður áfram til umfjöllunar í þingnefnd næstu vikur. Raforkumarkaðurinn er ógagnsær, segir formaður atvinnuveganefndar Alþingis.

Stjórnvöld í Chile og Mexíkó vilja að Alþjóðlegi sakamáladómstóllinn í Haag rannsaki hvort stríðsglæpir hafi verið framdir á Gaza.

Hæstiréttur Ítalíu hefur úrskurðað að ólöglegt sé að heilsa að hætti fasista, en þó aðeins stundum. Dómur sem kveðinn var upp þar í landi í morgun hefur vakið mikil viðbrögð.

Íslenska karlalandsliðið í handbolta hefur lítinn tíma til að sleikja sárin eftir tap fyrir Þjóðverjum á Evrópumótinu í gærkvöld. Liðið mætir Frökkum á morgun.

Frumflutt

19. jan. 2024

Aðgengilegt til

Rennur ekki út

• 00:01:40 Rafmagnsleysi í Grindavík
• 00:03:27 Lilja Alfreðs um eignir Grindvíkinga
• 00:04:49 Forsvarsmenn stéttarfélaganna á fundi
• 00:07:20 JBT færist nær Marel
• 00:09:24 Rannsóknarnefnd um snjófljóðið í Súðavík
• 00:09:58 Vilja láta rannsaka meinta stríðsglæpi
• 00:11:33 Úkraínumenn gangast við árás á olíugeymslu
• 00:12:03 Atvinnuveganefnd með raforkufrumvarp
• 00:14:10 Færa endastöð vegna framkvæmda
• 00:16:10 Fasistakveðjur stundum ólöglegar
• 00:17:43 Íþróttir
• 00:20:20 Veður
• 00:20:55 Seinni helst

Útvarpsfréttir.