Hádegisfréttir

Hádegisfréttir 13. október 2023

Gaza er að breytast í helvíti á jörðu, segir talsmaður flóttamannahjálpar Sameinuðu þjóðanna í Palestínu. Ein milljón manna hefur fengið sólarhring til að koma sér í burtu frá norðurhlutanum.

Sjálfstæðismenn hafa ekki farið fram á að breytingar verði gerðar á ráðherraskipan annarra flokka í ríkisstjórninni. Þetta segir forsætisráðherra. Þingmenn ríkisstjórnarflokkanna funda á Þingvöllum í dag. Breytingar á ríkisstjórn verða kynntar á morgun.

Tveir ungir piltar eru í gæsluvarðhaldi vegna skotárásar í Stokkhólmi í Svíþjóð í nótt. Tvær konur voru skotnar til bana. Talið er að árásin tengist gengjaátökum sem geisað hafa í Svíþjóð síðan í september.

Formaður FSMA, félags fólks með taugahrörnunarsjúkdóminn SMA, fagnar því að Lyfjanefnd sé að skoða að heimila fullorðnum að fá lyfið Spinraza. Núna miðast aðgangur við ungmenni undir 18 ára.

Ólíklegt er að farið verði í framkvæmdir við ný bílastæði í Landmannalaugum á þessu ári. Sveitarstjórn Rangárþings ytra hefur falið sveitarstjóra að taka saman kostnað sveitarfélagsins vegna málsins sem oddviti telur hlaupa á milljónum.

Sunnutorg við Langholtsveg í Reykjavík er illa farið og fáist enginn til að koma þar upp rekstri og laga húsið gæti þuft að fjarlægja það.

Ísland og Lúxemborg mætast í undankeppni EM í fótbolta á Laugardalsvelli í kvöld. Íslenska liðið stefnir á að hefna fyrir tapið í síðasta leik þeirra.

Frumflutt

13. okt. 2023

Aðgengilegt til

Rennur ekki út

• 00:01:39 Gaza að breytast í „helvíti á jörðu“
• 00:04:11 Ríkisstjórnarflokkar funda á Þingvöllum
• 00:08:05 Skotárásir og gengjaofbeldi í Svíþjóð
• 00:10:05 Bílastæði við Landmannalaugar
• 00:12:04 Lyfjastofnun með í skoðun að leyfa Spinraza
• 00:14:17 Söngvakeppnin
• 00:14:49 Segir Sunnutorg rifið fáist ekki leigutaki
• 00:16:22 Rímspillisár veldur ruglingi
• 00:18:21 Íþróttir
• 00:20:26 Veður
• 00:20:50 Seinni helst

Útvarpsfréttir.