Hádegisfréttir

Hádegisfréttir 25. desember 2023

Lögreglan á höfuðborgarsvæðinu var með mikinn viðbúnað í Hafnarfirði í gærkvöld eftir að tveir vopnaðir menn ruddust inn í íbúð og hleyptu af skotum. Heimilisfólk var á staðnum en enginn særðist.

Áfram er óvissuástand vegna snjóflóðahættu á norðanverðum Vestfjörðum en óvissuástandi á Norðurlandi hefur verið aflétt. Veðurspár eru hins vegar ótryggar.

Jólanótt var ein sú mannskæðasta á Gasa frá því stríðið hófst fyrir ellefu vikum. Minnst sjötíu létu lífið í loftárás Ísraela á flóttamannabúðir. Egyptar birtu í morgun skilmála nýs vopnahlés sem stæði í tvær vikur yrði það samþykkt.

Jólamessa Grindvíkinga var haldin á Álftanesi um miðjan dag í gær. Mjög gott og nærandi var að hittast, segir sóknarpresturinn. Engar breytingar hafa orðið á jarðhræringunum norðan Grindavíkur.

Átta konur og fimm börn dvöldu í Kvennaathvarfinu á jólanótt og dvelja þar að óbreyttu yfir hátíðarnar. Framkvæmdastýra segir sporin oft á tíðum þung þegar ákvörðun er tekin að dvelja í athvarfinu. Konurnar finni þó almennt fyrir létti að vera komnar í öruggt skjól.

Kaupmaður aðstoðaði franska ferðamenn með uppstúfinn, sem treystu sér ekki alveg í að töfra fram íslenska jólamáltíð á aðfangadagskvöld.

Frumflutt

25. des. 2023

Aðgengilegt til

Rennur ekki út

• 00:01:27 Skotárás í Hafnarfirði
• 00:01:58 Snjóflóðahætta og færð
• 00:04:23 Mannskæð jólanótt á Gasa
• 00:06:04 Nýr jóladagur í Úkraínu
• 00:09:05 Grindavík - jól og jarðhræringar
• 00:10:57 Síðasta jólapredikun biskups
• 00:12:00 Þrettán eyða jólum í Kvennaathvarfinu
• 00:13:39 Pétur í Melabúið reddaði ferðamönnum
• 00:15:08 Veður
• 00:15:32 Seinni helst

Útvarpsfréttir.