Hádegisfréttir

Hádegisfréttir 7. mars 2024

Hægt verður að skrifa undir kjarasamninga í dag segir forsætisráðherra sem fundaði með fulltrúum verkalýðsfélaga innan ASÍ í morgun. Verkalýðsfélögin bíða eftir svörum frá sveitarfélögum um þátttöku í greiðslu á skólamáltíðum.

Fjármálaráðherra segir augljóst að grípa þurfi til ráðstafana til að mæta miklum nýjum útgjöldum ríkissjóðs sem fylgi kjarasamningum.

Útgjöldin hafi áhrif á ríkisfjármálin í ár og út samningstímann.

Eftir mánaðalangt stapp við Tyrki og Ungverja verður aðild Svía að NATÓ formlega fullgilt í dag. Sögulegur gleðidagur, segir framkvæmdastjóri NATÓ.

Rúmmál kviku undir Svartsengi er líklega orðið meira en það var fyrir kvikuhlaup á síðasta laugardag. Landris og kvikusöfnun heldur áfram.

Heilsugæslan í Garðabæ verður lokuð í dag og líklega næstu daga. Verið er að meta skemmdir eftir að eldur kom upp á Garðatorgi í nótt.

Grundfirðingar eru ósáttir við læknisþjónustu í bænum. Enginn læknir er þar með fasta búsetu.

Vopnavörður Hollywood-myndarinnar Rust var í gær dæmdur fyrir manndráp af gáleysi. Leikarinn Alec Baldwin á enn yfir höfði sér dóm fyrir að hafa hleypt af voðaskoti, sem varð tökustjóra myndarinnar að bana.

Valur og ÍBV leika til úrslita í bikarkeppni karla í handbolta á laugardag. Undanúrslit bikarkeppni kvenna verða spiluð í Laugardalshöll í dag og í kvöld.

Frumflutt

7. mars 2024

Aðgengilegt til

Rennur ekki út

• 00:01:34 Kjaraviðræður á lokametrunum
• 00:04:13 Kjarapakkinn kostar ríkið skildinginn
• 00:06:06 Varðhaldsúrskurðir kærðir
• 00:06:53 Svíar í NATO
• 00:08:43 Alvarleg árás í Háaleitishverfi
• 00:09:07 Staða kvikusöfnunar
• 00:09:46 Bruni í Garðabæ
• 00:11:25 Grindvíkingar og húsnæðislán
• 00:12:23 Kínverjar styðja palestínskt ríki
• 00:13:51 Almannavarnir skoða skíðasvæðin
• 00:14:25 Skotvopnaséfræðingur Rust dæmdur
• 00:16:21 Safna undirskriftum vegna læknaleysis
• 00:17:31 Borun heldur áfram við Djúpavog
• 00:18:10 Íþróttir
• 00:20:26 Veður
• 00:20:48 Seinni helst

Útvarpsfréttir.