Hádegisfréttir

Hádegisfréttir 12. júlí 2026

Lögreglan á Suðurlandi rannsakar þrjú kynferðisbrot tengd hátíðarhöldum á Kótelettunni í nótt. Töluverð ölvun var á hátíðarsvæðinu.

Írönsk stjórnvöld segjast hafa lokað fyrir skipumferð um Hormússundi á ný eftir árásir Bandaríkjanna í nótt. Íransher gerði á móti árásir á bandarísk skotmörk í fimm ríkjum við Persaflóa.

Allt er að verða klárt til að hefja skólahald í Grindavík næsta haust segir formaður bæjarráðs. Fjörutíu og þrjú börn eru skráð og er ráðning kennara á lokametrunum.

Gul veðurviðvörun tók gildi á stórum hluta landsins í morgun og varir fram yfir miðnætti. Veðurfræðingur biður fólk á ferðinni að fara með gát.

Bandaríski öldungadeildarþingmaðurinn Lindsay Graham lést í gær 71 árs. Hann var einn ötulasti stuðningsmaður Bandaríkjaforseta, sem minnist hans með hlýju.

Selfyssingar hafa loksins fundið nýjum kirkjugarði stað - á mörkum Árborgar og Flóahrepps. Búist er við að sá gamli fyllist á næstu árum.

Og sjálfboðaliðar hafa hlaðið sérstakan sjálfsmyndapall við Gatklett í Dimmuborgum.

Birt

12. júlí 2026

Aðgengilegt til

Rennur ekki út

Útvarpsfréttir.