Hádegisfréttir

Hádegisfréttir 9. desember 2023

Gærdagurinn var sorgardagur í sögu Öryggisráðs Sameinuðu þjóðanna, sagði sendiherra Palestínu, eftir að Bandaríkin beittu neitunarvaldi gegn ályktun um tafarlaust vopnahlé á Gaza.

Dómsmálaráðherra segir að engin ákvörðun hafi verið tekin um hvort vísa eigi tveimur palestínskum drengjum til Grikklands. Þeim hefur verið neitað um vernd hér á landi. Fósturmóðir annars þeirra segir biðina eftir svörum erfiða og óvissuna óbærilega.

Lögreglustjórinn á höfuðborgarsvæðinu lítur það alvarlegum augum að starfskonur lögreglunnar hafi pantað karlkyns fatafellu í fræðsluferð, sem var meðal annars farin til Auschwitz í Póllandi. Þar sóttu lögreglumenn námskeið um hatursglæpi og uppgang öfgaafla.

Forstjóri Menntamálastofnunar segir að menntakerfið vanti gögn. Ekki er vitað hvernig þeim sem standa sig illa í PISA-könnuninni reiðir af til framtíðar.

Aðildarþjóðir Evrópusambandsins komust í gær að samkomulagi um drög að lögum um gervigreind eftir alls um þrjátíu og sex klukkustunda viðræður síðustu daga.

Skíðasvæðið í Bláfjöllum er gengið í endurnýjun lífdaga með nýjum lyftum og tækjum til að framleiða snjó. Formlegri opnun er fagnað í dag, þótt enn sé ekki kominn nægur snjór til að hleypa skíðafólki í brekkurnar.

Sundmaðurinn Anton Sveinn McKee keppir til úrslita á Evrópumótinu í 25 metra laug í dag.

Frumflutt

9. des. 2023

Aðgengilegt til

Rennur ekki út

• 00:00:00 helst
• 00:01:36 Viðbrögð við neitun Bandaríkjanna
• 00:03:30 Dómsmálaráðherra um palestínska umsækjendur
• 00:05:29 Fatafella í hatursglæpaför
• 00:06:55 Helga Vala um fatafellur lögreglunnar
• 00:07:35 Manni bjargað úr sjónum
• 00:08:10 Grindavík
• 00:10:27 Gögn um PISA
• 00:12:25 Bláfjöll
• 00:15:36 Samkomulag um lög um gervigreind í Evrópu
• 00:16:45 Íþróttir

Útvarpsfréttir.