Samráð skipafélaganna er aðför að neytendum og hækkaði vöruverð segir formaður Neytendasamtakanna. Málið sýni að samkeppni þurfi virkt eftirlit svo fyrirtæki sjái sér ekki hag í að svína á neytendum.
Ferðavagnar og trampólín fuku í óveðrinu sem gekk yfir hluta landsins í gærkvöldi og í nótt. Tré fuku upp með rótum og töluverð vinna var að fergja tívólítæki á Ljósanótt í Reykjanesbæ. Björgunarfólk kom göngumanni til bjargar milli Landmannalauga og Þórsmerkur í nótt.
Danska ríkisstjórnin ætlar að reka tíu rússneska starfsmenn rússneska sendiráðsins í Kaupmannahöfn úr landi fyrir lok þessa mánaðar.
Menningar-og viðskiptaráðherra segir ákvörðun matvælaráðherra um að leyfa hvalveiðar á ný vera skynsamlega nálgun. Formaður Samfylkingarinnar segir ríkisstjórnina hafa beint athyglinni frá öðru en verðbólgu og háum vöxtum.
Landris er hafið á svipuðum slóðum og síðasta eldgos við Litla Hrút á Reykjanesskaga. Það gæti verið vísbending um fjórða eldgosið þar á næstu mánuðum.
Helga Vala Helgadóttir, þingmaður Samfylkingarinnar og fyrrverandi þingflokksformaður, ætlar að hætta á þingi og snúa sér aftur að lögmennsku. Formaður flokksins, segir brotthvarfið ekki mega rekja til ágreinings.
Nokkuð hefur verið um að börn í grunnskólum og félagsstarfi Kópavogsbæjar beri á sér hnífa. Menntasvið Kópavogsbæjar hefur sent bréf til foreldra og forráðamenn þar sem lögð er áhersla á að hnífaburður sé bannaður.
Tíðavörur, sjúkrabörur, hjartastuðtæki og líkpoki eru meðal þess sem sjómaður í Vestmannaeyjum þarf að hafa um borð fyrir sig einan, samkvæmt nýrri reglugerð.
