Hádegisfréttir

Hádegisfréttir 06. nóvember 2023

Nærri tíu þúsund hafa fallið á Gaza frá því árásir Ísraelsmanna hófust þar fyrir tæpum mánuði sögn heilbrigðisráðuneytis Hamas. Um 200 fórust í nótt. Yfirmenn stofnana Sameinuðu þjóðanna hvetja til vopnahlés.

Jörð skelfur enn á Reykjanesskaga. Vísbendingar eru um að kvika streymi hraðar í innskot undir norðvesturhorni Þorbjarnar. Engar skemmdir hafa orðið á búnaði HS Orku en reynt verður að verja hitaveitulögn, sem liggur frá Svartsengi til Njarðvíkur. Almannavarnir boða upplýsingafund klukkan þrjú.

Forseti Úkraínu segir að Bandaríkjamenn sogist inn í stríð við Rússa, láti þeir af stuðningi við Úkraínu. Hann býður Donald Trump að koma í heimsókn til landsins, en Trump þykir sigurstranglegur fyrir forsetakosningar vestanhafs að ári.

Formaður neytendasamtakanna tekur undir kröfu systursamtaka þeirra í Noregi um að merkja skuli sýktan lax sem seldur er í verslunum. Engin hætta er þó á að sýkingar berist úr fiski í fólk.

Raforkuskortur jók olíubruna og kolefnislosun í fiskimjölsverksmiðjum í fyrra og þurrkar út ávinning á rafbílavæðingu síðasta árs og gott betur. Þetta kemur fram í tölum frá hugveitunni Hellnaskeri.

Enn er óstaðfest hvað olli sprengingum sem heyrðust víða á höfuðborgarsvæðinu í gærkvöld. Talið er að þær hafi orðið í Fellahverfi í Breiðholti þegar ungmenni fiktuðu með heimatilbúna flugelda.

Max Verstappen sigraði í Brasilíukappakstrinum í Formúlu eitt í gærkvöld. Þetta var sautjándi sigur hans á keppnistímabilinu og hefur hann átt betra tímabil en nokkur annar ökumaður í sögu Formúlu eitt.

Frumflutt

6. nóv. 2023

Aðgengilegt til

Rennur ekki út

• 00:01:52 Gaza: Hátt í 10 þúsund farist frá upphafi stríðs
• 00:04:20 Staðan á Reykjanesskaga
• 00:06:01 Engar skemmdir á búnaðí HS Orku
• 00:08:15 Efni flutt að Njarðvíkuræð til að verja hana
• 00:08:37 Zelensky býður Trump í heimsókn
• 00:10:46 Sýktur fiskur seldur til manneldis
• 00:12:21 Sprengingar á höfuðborgarsvæðinu
• 00:13:03 Olíubruni í bræðslum þurrkar út rafbílavæðingu
• 00:14:57 Kostnaður við björgunarflug
• 00:15:28 Annasöm helgi hjá Landhelgisgæslunni
• 00:16:37 Bjarni næst lengst formaður Sjálfstæðisflokksins
• 00:17:42 Íþróttir
• 00:19:59 Veður
• 00:20:29 Seinni helst

Útvarpsfréttir.