Hádegisfréttir

Hádegisfréttir 27. nóvember 2023

Vinna við varnargarða í Grindavík er á undan áætlun. Almannavarnir gera ekki ráð fyrir að verja fjarskiptamöstur í nágrenni bæjarins. Verið er að skoða hvenær starfsemi fyrirtækja getur hafist að nýju í bænum.

Ekki verður fjallað um mál Arndísar Önnu Kristínardóttur Gunnarsdóttur, þingmanns Pírata, á fundi forsætisnefndar Alþingis í dag. Arndís Anna var handtekin í miðborg Reykjavíkur um helgina.

Fleiri ísraelskum gíslum og palestínskum föngum verður sleppt í dag, á síðasta degi vopnahlés á Gaza. Framkvæmdastjóri Atlantshafsbandalagsins er meðal þeirra sem þrýsta á að vopnahléið verði framlengt.

Aldrei hafa fleiri íbúðir verið í skammtímaleigu. Leyfum til heimagistingar fjölgaði um sjötíu prósent á höfuðborgarsvæðinu frá því í fyrra.

Fiskimjölsverksmiður þurfa að brenna olíu í vetur. Landsvirkjun tilkynnti í morgun að þær fái ekki skerðanlega raforku frá næstu mánaðamótum.

Læknanemar sem læra erlendis fá ekki að fara í klínískt verknám hér. Þingmaður Sjálfstæðisflokksins segir þetta minnka líkur á að þeir snúi heim að námi loknu, sem geti aukið enn á læknaskort.

Landsliðsþjálfari kvenna í handbolta, er ánægður með æfingaleikina fyrir HM, þrátt fyrir að þeir hafi allir tapast. Fyrsti leikurinn á HM er á fimmtudag.

Frumflutt

27. nóv. 2023

Aðgengilegt til

Rennur ekki út

• 00:01:34 Grindavík að lifna við
• 00:03:04 Leggja til að frumvarp verði samþykkt óbreytt
• 00:03:28 Forsætisnefnd fjallar ekki um Arndísi Önnu
• 00:04:22 Vonast eftir framlengingu á vopnahléi á Gaza
• 00:06:28 Utanríkisráðherrafundur NATO
• 00:08:43 Aldrei fleiri íbúðir í skammtímaleigu
• 00:10:09 Landsvirkjun skerðir orku
• 00:11:06 Ólöglegar ófrjósemisaðgerðir
• 00:12:50 Biden mætir ekki á COP28
• 00:14:18 Læknar í námi erlendis útilokaðir
• 00:16:16 Þúsundir í verkfall í Tékklandi
• 00:16:58 Verkföll hjá Tesla í Svíþjóð
• 00:17:57 Íþróttir
• 00:20:09 Veður
• 00:20:34 Eftirhelst

Útvarpsfréttir.