Hádegisfréttir

Hádegisfréttir 14. febrúar 2024

VR og Efling undirbúa að beita verkföllum. Samninganefnd VR fékk umboð til þess í gærkvöld og niðurstaða könnunar á afstöðu félagsmanna í Eflingu verður fljótlega ljós.

Fulltrúar Hamas funda í dag með ráðamönnum frá Egyptalandi og Katar um vopnahlé á Gaza. Reynt er að koma því á áður en Ísraelar hefja allsherjar innrás í Rafah.

Rektor Háskóla Íslands hefur áhyggjur af því að að boðaðar hugmyndir um niðurfellingu á skólagjöldum sjálfstætt starfandi háskóla geri fjármögnun háskólastigsins erfiðari ef ekki komi til nýtt fjármagn.

Frumvarp um breytingar á raforkulögum með forgang fyrir heimili og minni notendur verður ekki lagt fyrir Alþingi á næstunni eins og til stóð. Samfélagsleg ábyrgð orkufyrirtækja er betri en íþyngjandi lög, segir formaður atvinnuveganefndar.

Framkvæmdastjóri Atlantshafsbandalagsins segir mikilvægt að grafa ekki undan fælingarmætti bandalagsins með ummælum á borð við þau sem Donald Trump lét falla um helgina.

Mögulegur loðnufundur suðaustur af landinu verður rannsakaður betur í dag. Sáralítið fannst það sem af er mælingum Hafrannsóknastofnunar, sem hafði gefið út ráðgjöf um engar loðnuveiðar á þessari vertíð.

Um helmingur landsmanna er andvígur þátttöku Íslands í Eurovision. Konur og yngra fólk var frekar á móti þátttöku en karlar og þeir sem eldri eru.

Félagaskipti sambísku landsliðskonunnar Rachel Kundananji frá Madrid CFF til Bay FC í Bandaríkjunum eru þau langdýrustu í sögu kvennafótboltans. Félög eyddu um 150% meira í leikmenn í janúar en á sama tíma í fyrra.

Frumflutt

14. feb. 2024

Aðgengilegt til

Rennur ekki út

• 00:01:51 Verkalýðshreyfingin í verkfallshug
• 00:03:37 Friðarumleitanir vegna Palestínu
• 00:05:18 Leitað að Jóni Þresti
• 00:06:00 Rektor HÍ um niðurfellingu skólagjalda
• 00:07:33 Heitavatnið á Reykjanesskaga
• 00:07:53 Raforkufrumvarpið
• 00:09:45 Þorsteinn krefur Seðlabanka um bætur
• 00:10:23 Aukin útgjöld til varnarmála hjá NATO ríkjum
• 00:12:39 Gengi Sýnar og Play
• 00:13:37 Frumvarp: Rekstrarumhverfi fjölmiðla
• 00:14:18 Loðna mögulega fundin
• 00:15:34 Viðhorf landsmanna til þátttöku í Eurovision
• 00:16:51 Öskudagurinn
• 00:18:14 Íþróttir
• 00:20:16 Veður
• 00:20:31 Seinni helst

Útvarpsfréttir.