Hádegisfréttir

Hádegisfréttir 03. október 2023

Svæðisstjóri Hjálpræðishersins segir ríkisborgara frá Venesúela óttaslegna og hrædda eftir úrskurð sem staðfesti synjun um alþjóðlega vernd. Um tólf hundruð umsóknir frá Venesúelamönnum bíða afgreiðslu.

Dómsmálaráðherra Svíþjóðar ætlar að fjölga eftirlitsmyndavélum um nærri þúsund, til að reyna að stöðva glæpaölduna sem ríður yfir landið.

Lögreglan í Dóminíska lýðveldinu hefur skoðað myndbönd úr öryggismyndavélum í tengslum við hvarf Magnúsar Kristins Magnússonar.

Deila Pólverja og Úkraínumanna um kornflutninga virðist vera að leysast. Pólverjar tilkynntu í morgun að takmörkunum yrði aflétt. Deilan hefur sett mark á samskipti ríkjanna að undanförnu.

Það á að vera undantekning en ekki regla að nánir ættingjar sinni hlutverki stuðningsforeldri. Þetta segir sviðsstjóri Velferðarsviðs Reykjavíkurborgar. Óskýr skilaboð stjórnenda til starfsfólks hafi hugsanlega leitt til þess að foreldrar fengu rangar upplýsingar.

Repúblikanar á hægri vængnum hafa lagt fram tillögu um að Kevin McCarthy verði sviptur embætti forseta fulltrúadeildarinnar. Ef svo fer yrði það einsdæmi í sögu deildarinnar.

Á fjórða tug samtaka hvetja konur og kvár til að leggja niður launuð og ólaunuð störf á kvennafrídaginn 24. október - í heilsdags kvennaverkfalli.

Margrét Lea Kristinsdóttir og Thelma Aðalsteinsdóttir luku keppni á HM í áhaldafimleikum í gærkvöld. Thelma bætti sinn besta árangur og á enn möguleika á sæti á ólympíuleikunum.

Frumflutt

3. okt. 2023

Aðgengilegt til

Rennur ekki út

• 00:01:48 Alþjóðleg vernd
• 00:04:17 Hertar aðgerðir gegn glæpum í Svíþjóð
• 00:05:50 Magnús Kristinn
• 00:06:34 Réttarhöldin í Bankastrætismálinu
• 00:08:15 Korndeila Úkraínu og Póllands að leysast
• 00:09:42 Stuðningsfjölskyldur í Reykjavík
• 00:11:29 Þrjú fengu nóbelsverðlaun í eðlisfræði
• 00:12:01 Öllum börnum býðst bóluvörn gegn HPV
• 00:13:03 Reyna að setja Kevin McCarthy af
• 00:15:02 Skotárás í Taílandi m
• 00:15:25 Sögulega heitur september í Tékklandi
• 00:16:15 Kvennafrídagur 25. okt. 2023
• 00:18:14 Íþróttir
• 00:20:18 Veður

Útvarpsfréttir.