Hádegisfréttir

Hádegisfréttir 02. október 2023

Formaður VR boðar uppgjör við stjórnvöld og fyrirtæki í komandi kjaraviðræðum. Kjör heimilanna hafa rýrnað um 6,1 prósent undanfarið ár samkvæmt nýjustu mælingu Hagstofunnar.

Uppnám varð í veislusalnum Gullhömrum í morgun við aðalmeðferð í Bankastræti Club málinu þegar sakborningurinn, sem sætir þyngstu ákærunni, breytti játningu sinni. Dómari sagði þetta óvirðingu við réttinn, saksóknari fer fram á átta ára fangelsisvist yfir manninum.

Formaður Landssambands veiðifélaga segir gærdaginn þann svartasta í sögu stangveiði á Íslandi, en þá veiddu norskir kafarar 26 eldislaxa í Hrútafjarðará.

Flokkur, sem leggst gegn hernaðaraðstoð til Úkraínu, sigraði í kosningum í Slóvakíu um helgina, Utanríkisráðherra Úkraínu segir ekki hægt að meta áhrif þess fyrr fyrr en búið er að mynda ríkisstjórn.

Þýskur ferðamaður sem olli töluverðu raski á friðlandi í Þjórsárverum ók ekki utan vegar að sögn sérfræðings hjá Umhverfisstofnun. Tímabært sé að skoða merkingar og þyngdartakmarkanir á svæðinu.

Reglulegt flug verður á milli Reykjavíkur og Húsavíkur næstu tvo mánuði, en til stóð að fella flugið niður vegna fjárskorts.

Vísindamenn frá Ungverjalandi og Bandaríkjunum fá Nóbelsverðlunin í ár í læknisfræði fyrir þróun á mRNA-tækni sem nýtt var við þróun á bóluefnum gegn covid.

Frumflutt

2. okt. 2023

Aðgengilegt til

Rennur ekki út

• 00:01:35 Kaupmáttur dregst verulega saman
• 00:03:20 Aðalmeðferð í Bankastræti Club
• 00:05:49 Rannsókn á mögulegu manndrápi á Selfossi
• 00:06:30 Eldislaxar í Hrútafjarðará
• 00:08:16 Úkraínumenn virða niðurstöðu Slóvaka
• 00:09:29 Utanvegaakstur ekki utan vegar
• 00:11:23 Utanríkisráðherrar ESB funda í Kyiv
• 00:13:15 71 missir vinnuna í hópuppsögnum
• 00:13:36 Trump mætir fyrir rétt
• 00:14:20 Hætta við að hætta Húsavíkurflugi
• 00:15:53 Tvær sprengingar í og við Stokkhólm í nótt
• 00:17:09 Nóbelsverðlaun fyrir mRNA
• 00:18:30 Íþróttir

Útvarpsfréttir.