Hádegisfréttir

Hádegisfréttir 27. ágúst 2026

Utanríkisráðherra segir sér hafa borist alvarlegar hótanir. Málið sé í höndum lögreglu og líf hennar hafi tekið breytingum á síðustu vikum. Samráðherrar hennar segja það óásættanlegt í lýðræðissamfélagi.

Rúm tuttugu prósent kjósenda hafa þegar greitt atkvæði um aðildarviðræður við Evrópusambandið. Kjörfundur er á morgun. Um 60 fjölmiðlamenn frá 25 löndum eru komnir til landsins - til að fylgjast með þjóðaratkvæðagreiðslunni.

Haraldur fimmti Noregskonungur er látinn. Hann lést í svefni. Nýr konungur Noregs er sonur hans, Hákon áttundi.

Minnst 550 hafa fundist látnir eftir hamfaraflóðin í Nepal og Tíbet. Úrhellisrigning eykur hættu á nýjum flóðum.

Bæjarstjórn Fjallabyggðar óskar eftir að nýja hættumatið vegna ofanflóða á Siglufirði verði endurmetið. Það sýnir að umfangsmiklar varnir ofan við bæinn verja hann ekki jafn vel og talið var.

Donald Trump Bandaríkjaforseti hefur gefið út forsetatilskipun um að Ontario-vatn verði kallað Ameríkuvatn. Mark Carney forsætisráðherra Kanada hafnar þessari tillögu alfarið.

Nýtt gegnumlýsingartæki er komið í notkun við vatnsból á Borgarfirði eystra og á að bæta vatnsgæði. Íbúar þurfa ekki lengur að sjóða neysluvatn eftir að e.coli gerlar greindust í vatninu.

Íslenska karlalandsliðið í körfubolta mætir Serbíu í kvöld í forkeppni HM. Stórstjarnan Nikola Jókits er í serbneska liðinu en það íslenska ætlar að reyna að koma Serbum á óvart.

Birt

28. ágúst 2026

Aðgengilegt til

Rennur ekki út

Útvarpsfréttir.