Hádegisfréttir

Hádegisfréttir 8. mars 2026

Ísraelsmenn hóta að herja á næsta leiðtoga Írans, sem verður líklega kynntur í dag. Eldar loga í olíubirgðastöðvum í Teheran eftir árásir Ísraelsmanna og Bandaríkjamanna í nótt. Íranar gerðu árásir á fimm lönd við Persaflóa.

Lítil virkni og lágt gengi margra félaga er áhyggjuefni fyrir stöðuna á íslenskum hlutabréfamarkaði, segir hagfræðingur. Markaðurinn sé daufur og fylgi ekki alþjóðlegum sveiflum.

Rósa Björk Brynjólfsdóttir er nýr formaður Vinstri grænna. Hún segir að það sé tómarúm á vinstri væng íslenskra stjórnmála. VG ætli að svara ákalli um aukna áherslu á náttúruvernd og mannréttindi.

Talsmaður landssambands grásleppuútgerða er afar ósáttur við frumvarp um afnám kvótasetningar á grásleppu. Hann segir málsmeðferðina vera hrafnaspark frá a til ö.

Sveitarstjóri í Hvalfjarðarsveit undrast að til standi að skera ofan af fasteignaskatti sem sveitarfélagið fær af stóriðu og útdeila til annarra sveitarfélaga.

Merktum lunda sem hefur verpt í Vestmannaeyjum skolaði dauðum á land í Portúgal fyrir skemmstu. Hann er einn þúsunda sem hefur rekið á land í Evrópu undanfarnar vikur.

Það hefur verið skíðað og sprett og skransað eftir ísilögðu Mývatni síðustu daga á Vetrarhátíð í Mývatnssveit. Við heyrum af hundasleðakeppni sem stendur sem hæst núna í hádeginu.

Eftir glæstan sigur Íslands á Svartfjallalandi fyrr í vikunni er nú komið að síðari leik liðanna í undankeppni EM kvenna í handbolta. Landsliðsþjálfarinn býst við grimmu liði Svartfellinga á heimavelli.

Birt

8. mars 2026

Aðgengilegt til

Rennur ekki út

Útvarpsfréttir.