Hádegisfréttir

Hádegisfréttir 03. janúar 2024

Skjálfti af stærðinni fjórir komma fimm reið yfir suðvesturhorn landsins á ellefta tímanum í morgun. Upptökin voru í Trölladyngju við Kleifarvatn. Nokkrir eftirskjálftar hafa mælst, sá stærsti þrír komma níu.

Talsmaður Ísraelshers hefur ekki tjáð sig með beinum hætti um dráp næstæðsta leiðtoga Hamas. Hann segir herinn hins vegar tilbúinn til sóknar og varnar enda hefur verið brugðist hart við drápinu.

Þvagfæraskurðlæknir segir umskurðurðaraðgerðir geta haft langvarandi neikvæð áhrif, séu þær ekki framkvæmdar rétt eða við réttar aðstæður.

Arnar Þór Jónsson varaþingmaður Sjálfstæðisflokksins býður sig fram til forseta. Hann segist ætla að beita sér fyrir sjálfsákvörðunarrétti þjóðarinnar og segir frelsi hennar undir.

Fundur stendur yfir í kjaradeilu Samtaka atvinnulífsins og breiðfylkingar verkalýðsfélaga. Þetta er fyrsti fundurinn frá sameiginlegri kröfuyfirlýsingu viðsemjenda um aðkomu stjórnvalda að málinu.

Garðabær braut lög þegar bærinn ákvað að sleppa því að ráða í starf leikskólakennara frekar en að ráða fatlaða konu.

Fimm verktakar hafa fasta viðveru hjá Reykjavíkurborg, tilbúnir að moka frá húsagötum. Yfirmaður vetrarþjónustu borgarinnar segir um nýtt fyrirkomulag að ræða.

Frumflutt

3. jan. 2024

Aðgengilegt til

Rennur ekki út

• 00:00:00 Helst
• 00:01:36 Jarðskjálfti 4,5 að stærð
• 00:03:50 Ísraelsher kveðst öllu viðbúinn
• 00:05:23 Umskurði geta fylgt langvarandi neikvæð áhrif
• 00:07:03 Kjaraviðræður
• 00:09:20 Arnar Þór býður sig fram til forseta
• 00:10:03 Fjöldi látinna kominn yfir 62
• 00:11:15 Óánægja með minnkandi fylgi
• 00:13:04 Garðabær braut lög
• 00:14:45 Óvisstustigi aflétt á Austfjörðum
• 00:15:09 Auður Haralds látin
• 00:16:37 Rafmagnslaust á Ásbrú
• 00:16:58 Breytt fyrirkomulag á snjómokstri
• 00:18:15 Íþróttir

Útvarpsfréttir.