Hádegisfréttir

Hádegisfréttir 13. nóvember 2023

Hættumat er óbreytt á umbrotaslóðum á Reykjanesskaga. Hægst hefur á jarðskorpuhreyfingum en kvika heldur áfram að flæða inn í kvikuganginn. Mest er virknin norður af Grindavík.

Fjöldi Grindvíkinga bíður á Suðurstrandarvegi eftir því að komast í hús sín til að bjarga verðmætum. Bílaröðin nær marga kílómetra eftir veginum.

Frumvarp forsætisráðherra um vernd mikilvægra innviða á Reykjanesskaga er eina málið á dagskrá þingfundar sem hefst á Alþingi í hádeginu.

Formaður Verkalýðsfélags Grindavíkur vill tryggja afkomuöryggi Grindvíkinga og koma þeim í skjól fyrir lánastofnunum.

Eigendur Vísis í Grindavík segja fasteignir og lausafé fiskvinnslunnar vel tryggt vegna jarðhræringanna. Unnið sé að því að verja verðmæti í hráefni og afurðum sem skilja þurfti eftir.

David Cameron, fyrrverandi forsætisráðherra Bretlands, er snúinn aftur á svið stjórnmálanna. Hann var í morgun gerður að utanríkisráðherra í mikilli uppstokkun á ríkisstjórninni.

Stærsta sjúkrahúsið á Gaza, er vart lengur hægt að kalla sjúkrahús, segir Alþjóðaheilbrigðismálastofnunin. Tvö þúsund manns, læknar jafnt sem sjúklingar, sitja þar fastir vegna skothríðar og sprenguárása.

Frumflutt

13. nóv. 2023

Aðgengilegt til

Rennur ekki út

• 00:01:41 Jarðhræringar - vísindin
• 00:04:21 Aðgerðastjórn
• 00:07:15 Aðgerðir í Grindavík
• 00:09:13 Alþingi
• 00:11:30 SGS Í Grindavík
• 00:11:58 Geta ekki breytt tryggingum
• 00:13:24 Áhrifin á SVN og Vísi
• 00:15:07 Staða krónu og flugfélaga veikist
• 00:15:41 David Cameron verður utanríkisráðherra
• 00:17:39 Óvissa um gjaldtöku af fiskeldi
• 00:19:23 Árásir á sjúkrahús á Gaza
• 00:21:14 Íþróttir
• 00:23:39 Veður
• 00:24:05 Seinni helst

Útvarpsfréttir.