Hádegisfréttir

Hádegisfréttir 25.mars 2024

Aldrei hefur mælst meiri gosmengun í byggð en á laugardaginn í Grindavík. Lokun Bláa lónsins hefur verið framlengd um tvo daga. Vísbendingar eru um að aðeins hafi dregið úr gosinu í nótt.

Fjórir menn sitja í gæsluvarðhaldi í Moskvu, grunaðir um hryðjuverk á föstudag. Þeir voru leiddir fyrir dómara í gær, blóðugir og lemstraðir.

Engar langtímabirgðir eru til af olíu í landinu og eftirspurn hefur verið meiri en gert var ráð fyrir segir forstjóri Skeljungs. Brennsla olíu vegna orkuskorts er mikil og fá teikn á lofti um að dragi úr.

Barnaþrælkun og giftingar stúlkna undir lögaldri, tíðkast á sykur-ökrum í Indlandi, þar sem bæði Pepsi og Coca Cola stunda viðskipti. Konur eru oft þvingaðar í legnám, svo þær missi síður úr vinnu.

Öryggisráð Sameinuðu þjóðanna greiðir atkvæði í dag um ályktun um tafarlaust vopnahlé á Gaza. Allt kapp er lagt á að orðalag verði þannig að Bandaríkin beiti ekki neitunarvaldi.

Búist er við að ný tillaga um vantraust á Svandísi Svavarsdóttur matvælaráðherra verði lögð fram þegar hún snýr aftur á þing úr veikindaleyfi.

Raki og mygla hafa stórskemmt íbúðir aldraðra í Neskaupstað. Íbúar leituðu til Heilbrigðiseftirlits fyrir bráðum þremur árum og Fjarðabyggð vinnur að úrbótum.

Reisa á átta ný smáhýsi fyrir fólk í geð- og fíknivanda sem er án heimilis í Reykjanesbæ. Vonast er til að fyrstu íbúar flytji inn fyrir lok árs.

Frumflutt

25. mars 2024

Aðgengilegt til

Rennur ekki út

• 00:01:46 Dregið úr gosinu
• 00:04:22 Gæsluvarðhald yfir meintum hryðjuverkamönnum
• 00:05:55 Eldsneyti er takmarkað
• 00:07:27 Öryggisráðið
• 00:07:59 Þrælahald Pepsi og Coke
• 00:09:53 Mögulegt vantraust á Svandísi
• 00:11:22 Íbúðir aldraðra myglaðar í Neskaupstað
• 00:13:21 Stöðfirðingar þurfa að sjóða vatn
• 00:13:41 Jarðskjálftahrina í Öskju
• 00:14:05 Smáhús í Reykjanesbæ
• 00:15:45 Lögreglumál gærdagsins
• 00:16:19 Simon Harris leiðtogi Fine Gael
• 00:17:43 Sagrada Familia tilbúin með öllu eftir 10 ár
• 00:18:31 Íþróttir
• 00:20:26 Veður
• 00:20:44 Seinni helst

Útvarpsfréttir.