Hádegisfréttir

Hádegisfréttir 03. nóvember 2023

Sjö menn eru í haldi lögreglu í tengslum við skotárás í Úlfarárdal í gær. Einn maður fékk skot í kálfa. Hann hefur verið útskrifaður af spítala.

Snarpir skjálftar norðvestur af Þorbirni í nótt og morgun skutu mörgum skelk í bringu. Sá öflugasti varð laust eftir átta, 4,3 að stærð. Búast mátti við svo stórum skjálftum því kvikuinnskot er að myndast þarna á fjögurra til fimm kílómetra dýpi. Grindvíkingar eru farnir að gera ráðstafanir.

Það er enn nær stöðugur sprengjugnýr á Gaza. Utanríkisráðherra Bandaríkjanna ræddi við ráðamenn í Ísrael í morgun. Hann vill að Ísraelsher breyti aðferðum sínum til að draga úr miklu mannfalli meðal almennra borgara á Gaza.

Myndir af sködduðum laxi í kvíum í Tálknafirði eru óhugnanlegar, segja matvælaráðherra og formaður atvinnuveganefndar Alþingis. Ný stefna um fiskeldi og lagafrumvarp um lúsasmit eru væntanleg í vetur.

Minnst tólf hafa látist í óveðri sem gengið hefur yfir stóran hluta Evrópu undanfarin dægur. Meira en milljón Frakkar hafa verið án rafmagns og á Spáni hefur fólk þurft að yfirgefa heimili sín í dag vegna skógarelda sem stormurinn hefur magnað upp.

Lögreglan á Norðurlandi eystra varar við hálku í landshlutanum. Nokkuð hefur verið um umferðaróhöpp og meiðsli í hálkunni.

Aron Pálmarsson, landsliðsfyrirliði í handbolta, er hæstánægður með æfingaviku íslenska landsliðsins og fer fögrum orðum um nýjan þjálfara liðsins, Snorra Stein Guðjónsson.

Frumflutt

3. nóv. 2023

Aðgengilegt til

Rennur ekki út

• 00:01:43 Sjö teknir vegna skotárásar
• 00:03:18 Jarðskjálftar við Þorbjörn
• 00:06:35 Gaza og Blinken í Ísrael
• 00:09:14 Laxalús í fiskeldisstefnu
• 00:11:23 Ciaran stormurinn gengur yfir Evrópu
• 00:12:59 Slys og umferðaróhöpp vegna hálku á Norðurlandi
• 00:14:23 Solberg sleppur við rannsókn
• 00:15:08 Meirihluti klofnaði í Þingeyjarsveit
• 00:16:37 Rafmyntamógúll dæmdur
• 00:18:05 Föður Luis Diaz mögulega sleppt á næstunni
• 00:18:46 Íþróttir
• 00:20:37 Veður
• 00:21:03 Seinni helst

Útvarpsfréttir.