Ísraelsher hefur í morgun gert loftárásir á Líbanon og Íran. Nýr æðstiklerkur Írans er sagður hafa særst á fyrsta degi átakanna.
Borgarfulltrúarnir Kjartan Magnússon og Marta Guðjónsdóttir, sem gengu úr Sjálfstæðisflokknum í Miðflokkinn, hafa stofnað nýjan flokk óháðra sem verður kynntur á fundi forsætisnefndar á föstudaginn. Þeim verður vikið úr öllum ráðum og nefndum í borginni.
Rannsókn lögreglu á tveimur hópnauðgunum í Reykjavík í apríl í fyrra er lokið. Annað málið er komið á borð héraðssaksóknara. Brotin áttu sér stað með tveggja vikna millibili.
Hæstiréttur kveður í dag upp dóm í hryðjuverkamálinu. Búast má við að dómurinn verði fordæmisgefandi.
Ráðherra menningarmála vill að litið verði á hugverkastuld til jafns við annars konar þjófnað. Hann vill að hámarksrefsing við höfundalagabrotum verði hækkuð úr tveggja ára fangelsi í sex.
Þingmenn ræddu þingsályktunartillögu ríkisstjórnarinnar um aðildarviðræður við Evrópusambandið í tíu klukkustundir í gær. Umræðan stóð fram undir miðnætti. Hún heldur áfram á mánudag.
Utanríkisráðherra segir í viðtali við Politico að Ísland gæti lokið aðildarviðræðum við Evrópusambandið á einu og hálfu ári, ef niðurstaða þjóðaratkvæðagreiðslu verður að halda áfram viðræðum.
Hláka og hlýindi síðustu daga hefur leikið vegi grátt á Vesturlandi og Vestfjörðun. Vegagerðin hefur sett þungatakmarkanir.
Leigubílstjórar á landsbyggðinni sjá fram á stóraukinn kostnað í sumar þegar boðuð stöðvarskylda tekur gildi. Leigubílstjóri á Egilsstöðum segir viðskiptin ekki standa undir mánaðargjaldi stöðvanna.
Arna Sigríður Albertsdóttir lauk keppni á Vetrarólympíumót fatlaðra í dag þegar hún keppti í tíu kílómetra sitjandi skíðagöngu.
