Hádegisfréttir

Hádegisfréttir 22. september 2023

Maður, sem er ákærður fyrir manndráp á Ólafsfirði í fyrra, er sagður hafa stungið hinn látna tvisvar í vinstri síðu með þeim afleiðingum að honum blæddi út. Málið verður þingfest í næstu viku.

Yfirlæknir sjúkraflugs á Akureyri segir brýnt að staðsetja sjúkraþyrlu á Norður- eða Austurlandi, ekki á suðvesturhorni landsins.

Talið er að hundruð barna hafi misst foreldra sína í flóðunum í Derna í Líbíu. Sjálfboðaliðar reyna að útvega brjóstamjólk fyrir ungbörn.

Bæjarstjórinn í Vogum á Vatnsleysuströnd vill sameina öll sveitarfélög á Suðurnesjum. Sameining sveitarfélaga hefur verið til umræðu á fjármálaráðstefnu sveitarfélaga sem lýkur í dag.

Vel gekk að losa rannsóknarskipið Bjarna Sæmundsson af strandstað í Tálknafirði í gærkvöld og ekki urðu teljandi skemmdir á skipinu. Tuttugu voru um borð þegar Bjarni strandaði. Engan sakaði.

Einn af þungavigtarmönnum í norska Verkamannaflokknum segir flokkinn í kreppu. Fá þurfi þriðja flokkinn inn í ríkisstjórn. Leiðtogi Verkamannaflokksins neitar því að hann sé í kreppu.

Frítt er í strætó í dag á bíllausa deginum. Fréttastofa ræddi við farþega í Mjódd sem margir lifa þegar bíllausum lífstíl og hvetja aðra til að nýta sér strætó.

Frumflutt

22. sept. 2023

Aðgengilegt til

Rennur ekki út

• 00:01:24 Ákæra í Ólafsfjarðarmáli
• 00:03:17 Staðsetning sjúkraþyrlna á landinu
• 00:04:48 Ráðherra lætur skoða Samkeppniseftirlitið
• 00:05:25 Hundruð barna munaðarlaus í Derna
• 00:06:49 Árás á höfuðstöðvar Svartahafsflota Rússlands
• 00:07:20 Fjármálaráðstefna sveitarfélaga
• 00:09:53 Bjarni um stjórnarsamstarf
• 00:11:17 Styttist í að sýnin frá Bennu komi til jarðar
• 00:12:52 Björgun Bjarna Sæmundssonar
• 00:14:58 Segir kreppu í norska Verkamannaflokknum
• 00:16:37 Bíllausi dagurinn
• 00:18:25 Íþróttir
• 00:20:19 Veður
• 00:20:52 Seinni helst

Útvarpsfréttir.