Hádegisfréttir

Hádegisfréttir 10. mars 2024

Fátt bendir til þess að samið verði um vopnahlé á Gaza fyrir föstumánuð múslima, sem er í þann mund að hefjast. Bandaríkjaforseti segir forsætisráðherra Ísraels gera meiri skaða en gagn með stríðsrekstrinum á Gaza.

Ekki er ljóst hvað varð til þess að eldur kviknaði í einu elsta húsi Selfoss í gærkvöld. Talið er að engin hafi verið í húsinu.

Ellefu særðust í drónaárásum Rússa í austurhluta Úkraínu í nótt. Tveir féllu í slíkum ásum í gær. Tyrkir vilja að reynt verði að semja um lok stríðsins í Úkraínu.

Fulltrúar EFTA og Indlands undirrituðu í dag nýjan fríverslunarsamning milli ríkjanna. Bjarni Benediktsson utanríkisráðherra segir að hann hafi mikla þýðingu fyrir viðskipta- og efnahagssamband Íslands við Asíu.

Betri orkunýting til að greiða fyrir orkuskiptum er raunhæf leið -- en stefna stjórnvalda í loftslagsmálum er hins vegar í molum, segir formaður Náttúrverndarsamtaka Íslands.

Frægasta dúkka heims, Barbie, fagnaði sextíu og fimm árum í gær og nálgast eftirlaunaaldur óðfluga -- ekkert útlit er þó fyrir að hún setjist í helgan stein á næstunni.

Frumflutt

10. mars 2024

Aðgengilegt til

Rennur ekki út

• 00:00:00 Helst
• 00:01:16 Ekkert vopnahlé í sjónmáli
• 00:03:14 Bruninn á Selfossi
• 00:04:33 Fríverslunarsamningur við Indland
• 00:06:05 11 særðust í árás Rússa
• 00:06:05 Frans páfi hvetur til vopnahlésviðræðna
• 00:08:44 Náttúruverndarsamtökin um orkusóun
• 00:10:42 Flug farþegaþotu yfir höfuðborgarsvæðið
• 00:11:31 Náttúruverndarsamtök ósátt við reglugerð
• 00:13:03 Tónlist Sigur Rósar í Múmíndal
• 00:14:48 Barbie varð 65 ára í gær
• 00:16:21 Íþróttir

Útvarpsfréttir.