Hádegisfréttir

Hádegisfréttir 14. apríl 2024

Eldflauga- og drónaárásir Írana á Ísrael í gærkvöldi hafa verið fordæmdar víða um heim. Öryggisráð Ísraels situr nú á fundi og ræðir næstu skref.

Utanríkisráðherra segir árásina stigmagna átökin fyrir botni Miðjarðarhafs.

Sérfræðingur í utanríkis- og öryggismálum segir árás Írana á Ísrael miklu stærri en óttast hafði verið. Hún eigi sér langan aðdraganda og framhaldið ráðist af viðbrögðum Ísraelsmanna.

Aðkoma fyrrverandi fjármálaráðherra í aðdraganda kaupa landsbankans á TM vekja upp fleiri spurningar í málinu, segir formaður Samfylkingarinnar sem segir Alþingi munu skoða málið nánar.

Ódæðismaðurinn sem varð sex manns að bana í verslunarmiðstöð í Sidney í gær var fertugur Ástrali. Hann hafði glímt við andlega erfiðleika og lögregla útilokar hryðjuverk.

Framkvæmdastjóri hótel og matvælaskóla Menntaskólans í Kópavogi segir fækkun nemenda í kokkanámi mikið áhyggjuefni fyrir veitingageirann. Fyrir Covid hafi um 400 nemendur verið í námi, en þeir séu nú um 200.

Tíðavörur fást ókeypis í öllum nema tveimur framhaldsskólum. Í flestum liggja þær frammi á salernum en í nokkrum skólum þarf að fara á skólaskrifstofuna til að fá þær.

Lokahringur Masters-mótsins í golfi er fram undan í dag og í kvöld. Bandaríkjamaðurinn Scottie Scheffler er í góðri stöðu eftir þrjá hringi.

Frumflutt

14. apríl 2024

Aðgengilegt til

Rennur ekki út

• 00:00:00 Helst
• 00:01:43 Árásir á Ísrael í nótt
• 00:04:02 Stigmögnun átaka segir utanríkisráðherra
• 00:05:11 Albert Jónsson
• 00:06:28 Kristrún Frosta um Bankasýsluna
• 00:08:38 Átti við andlega erfiðleika að stríða
• 00:09:20 Vopnað bílrán á höfuðborgarsvæðinu - stytt
• 00:09:44 Nemendum í kokkanámi fækkar
• 00:11:28 Lokað í Bláa lóninu
• 00:11:48 Tíðavörur í framhaldsskólum
• 00:13:10 Bannað að kvarta undan bauli og öðru ónæði
• 00:14:45 Jagger í mál við Jagger
• 00:15:50 Íþróttir

Útvarpsfréttir.