Hádegisfréttir

Hádegisfréttir 6. apríl 2024

Leiðtogar stjórnarflokkanna funda um framtíð ríkisstjórnarsamstarfsins. Stefnt er að því að klára viðræðurnar fyrir þingfund á mánudag.

Enn ein tilraunin til að ná samkomulagi um vopnahlé á Gaza verður gerð í Kaíró um helgina. Sameinuðu þjóðirnar segja að 28 börn hafi dáið úr vannæringu og ofþornun það sem af er þessum mánuði.

Bláa lónið var opnað á ný í dag. Lögreglustjórinn á Suðurnesjum telur enn að ógn geti stafað af hraunrennsli og gasmengun á svæðinu í kringum Grindavík.

Fastafulltrúi Íslands hjá Sameinuðu þjóðunum segir Öryggisráðið eiga erfitt með að rækja skyldu sína í veigamiklum málum vegna klofnings í ráðinu. Flest aðildarríki eru sammála um að það þurfi að gera breytingar á ráðinu.

Jarðborun eftir heitu vatni er lokið i bili á Djúpavogi án þessa að virkjanlegt vatn hafi fundist. Vatnsæð sem fannst á 320 metra dýpi gefur þó von um hitaveitu fyrir þorpið ef tækist að bora í hana annars staðar á meira dýpi.

Lögregla hefur fellt niður kæru á hendur sjálfboðaliðum Solaris. Lögmaður ákærðu segir að kæran hafi ekki verið studd neinum gögnum.

Marga mánuði hefur tekið að lagfæra rakaskemmdir og myglu í burðarvirki nýs Kársnesskóla í Kópavogi. Gamli skólinn var einmitt rifinn vegna myglu. (of cheeky?)

Frumflutt

6. apríl 2024

Aðgengilegt til

Rennur ekki út

• 00:01:32 Formenn ríkisstjórnarflokkanna funda
• 00:05:40 Viðræður um vopnahlé um helgina
• 00:07:45 Mál Semu Erlu og Maríu Lilju fellt niður
• 00:09:10 Opnun Bláa lónsins
• 00:11:41 Hið umdeilda öryggisráð
• 00:13:33 Borun hætt í bili á Djúpavogi
• 00:15:38 Mygla í nýbyggingu Kársnesskóla
• 00:17:28 Íþróttir

Útvarpsfréttir.