Hádegisfréttir

Hádegisfréttir 10. október 2023

Bjarni Benediktsson hefur sagt af sér embætti fjármálaráðherra. Þetta gerir hann í ljósi álits frá umboðsmanni Alþingis - að Bjarna hafi brostið hæfi til að samþykkja sölu á hlut ríkisins í Íslandsbanka. Skapa verði frið um störf ráðuneytisins og sér sé ókleift að starfa áfram.

Afsögn Bjarna veikir ríkisstjórn, sem þegar stendur höllum fæti segir stjórnmálafræðingur. Leiðtogar stjórnarandstöðuflokka segja ákvörðun Bjarna koma á óvart en niðurstaða umboðsmanns geri það ekki.

Minnst 770 Palestínumenn hafa látið lífið í loftárásum Ísraela á Gaza síðan á laugardag og á fimmta þúsund særst. Ísraelsher gerir linnulausar loftárásir og talið er að innrás á Gaza sé í undirbúningi.

Misvísandi skilaboð Evrópusambandsins í gær um stuðning við Palestínumenn eru merki um skiptar skoðanir aðildarríkja um viðbrögð við árás Hamas á Ísrael um helgina.

Flugvél á vegum utanríkisráðuneytisins lenti á Keflavíkurflugvelli snemma í morgun. Um borð voru tæplega 150 manns, Íslendingar, Norðmenn, Færeyingar og Norðmenn sem flúðu átökin í Ísrael.

Karlalið Vals er á miklum skriði í úrvalsdeildinni í handbolta. Liðið lék í gærkvöld sjötta leik sinn í haust og vann sjötta sigurinn.

Frumflutt

10. okt. 2023

Aðgengilegt til

Rennur ekki út

• 00:01:46 Bjarni segir af sér
• 00:06:05 Stjórnarandstaðan - viðbrögð
• 00:08:08 Stjórnmálafræðingur um afsögn Bjarna
• 00:09:16 Þórdís Kolbrún R. Gylfadóttir
• 00:09:52 Blóðugur sólarhringur á Gaza m
• 00:11:44 Deilur innan ESB um stuðning við Palestínu m
• 00:14:06 Flugvöllur Ísrael
• 00:16:31 Sigurður Ingi
• 00:17:16 Veður og viðvaranir
• 00:19:11 Nýjar Airbus vélar prófaðar
• 00:20:32 Björk styður málsókn gegn eldisskipulagi
• 00:22:44 Íþróttir

Útvarpsfréttir.