Hádegisfréttir

Hádegisfréttir 17. apríl 2024

Formaður bankaráðs Landsbankans telur Bankasýslu ríkisins vega illa að bankanum og setja fram ósannar aðdróttanir. Formaður bankaráðs segir trúnaðarbrest hafa orðið.

Atkvæði verða greidd um vantrauststillögu á ríkisstjórn Bjarna Benediktssonar á Alþingi í kvöld. Búist er við því að tillagan verði felld.

Bandaríkin og Evrópusambandið undirbúa viðskiptaþvinganir gegn Írönum vegna árásar þeirra á Ísrael um síðustu helgi. Utanríkisráðherra Bretlands vill að G7 ríkin komi sér saman um viðskiptaþvinganir.

Skoða þarf tengingu Reykjanesbæjar við hitaveitukerfi höfuðborgarsvæðisins ef ekki finnst vatn í lághitaborun á Njarðvíkurheiði. Stjórnendur eru enn vongóðir um að vatn finnist

Forseti Úkraínu vill að Vesturlönd útvegi auknar loftvarnir eftir að 14 voru drepnir í árás Rússa á borgina Chernihiv. Rúmlega fimmtíu þúsund rússneskir hermenn hafa fallið í Úkraínu frá því að stríðið hófst.

Æ algengara er að foreldrar fari með börn í margra vikna frí á skólatíma. Ef mikil fjarvera úr skóla vegna ferðalaga bitnar á náminu geta skólastjórar tilkynnt það til barnaverndaryfirvalda.

Hollenskt flutningaskip sem lenti í vandræðum norður af landinu í fyrrinótt er komið til Húsavíkur. Varðskipið Freyja dró það til hafnar í gærkvöld.

Ólympíuleikarnir verða settir í París eftir 100 daga, enn hefur aðeins einn Íslendingur tryggt sér þátttökurétt.

Frumflutt

17. apríl 2024

Aðgengilegt til

Rennur ekki út

• 00:01:32 Vantrauststillaga á Alþingi
• 00:04:02 Bankaráð Landsbankans ósátt
• 00:06:28 Ræða viðskiptaþvinganir á Íran
• 00:08:40 Brunavarnir í Köben
• 00:09:21 Áskoranir í skólastarfi
• 00:11:28 Úkraínumenn þrýsta enn á auknar loftvarnir
• 00:13:21 Sótt um kóranbrennu fyrir Eurovision
• 00:14:06 Vongóð um árangur lághitaborunar
• 00:16:00 Þungunarrofslög höfðu ekki áhrif á fjölda þungunar
• 00:16:38 Flutningaskipið á Húsavík
• 00:17:53 Listamenn neita að opna ísraelska skálann
• 00:18:36 Íþróttir
• 00:20:37 Veður
• 00:20:54 Seinni helst

Útvarpsfréttir.