Hádegisfréttir

Hádegisfréttir 24. desember 2025

Forseti Úkraínu hefur kynnt ný drög að friðaráætlun. Þær fela í sér að Rússar dragi herlið sitt út úr fjórum úkraínskum héruðum og aðrar víglínur verði frystar.

Donald Trump flaug oftar með einkaþotu Jeffreys Epsteins en áður var talið. Í nýjustu Epstein-skjölunum, sem birt voru í gær er ekkert sem bendir til glæpsamlegs athæfis Trumps.

Öllum flugferðum til og frá Reykjavík hefur verið aflýst nema til Egilsstaða. Viðvörun er í gildi víða um land í dag - aðfangadag og vegfarendur beðnir að fara varlega.

Helgihald verður samkvæmt venju á Hólum í Hjaltadal segir vígslubiskupinn þótt veðrið sé slæmt. Hvasst sé í Skagafirði en vegir auðir og tíu stiga hiti.

70-80 manns halda jól hjá Hjálpræðishernum í Reykjavík, álíka margir og verið hefur. Í ár eru þeir sem eru einmanna boðnir velkomnir, - ekki síður en þeir efnaminni.

Grindvíkingar halda margir jólin hátíðleg í bænum, sumir í fyrsta sinn frá því að jarðhræringar hófust. Dvalið er í um 110 húsum.

Fjöldi fólks leggur leið sína í kirkjugarða í dag til að vitja leiða látinna ástvina. Fossvogskirkjugarður í Reykjavík er lokaður allri bílaumferð til klukkan tvö vegna gangandi vegfarenda.

Frumflutt

24. des. 2025

Aðgengilegt til

Rennur ekki út

• 00:01:31 Zelensky kynnti ný drög að friðaráætlun
• 00:03:28 Trump oftar í nýjum Epstein-skjölum
• 00:05:14 Jarðskjálfti af stærðinni 2,9 í Brennisteinsfj.
• 00:05:24 Veður á landinu, færð, flug og fl.
• 00:06:20 Veðurhorfur um jólin
• 00:08:53 Veðrið fyrir norðan
• 00:11:03 Helgihald samkvæmt áætlun
• 00:12:50 Kirkjugarðar
• 00:15:21 Hjálpræðisherinn
• 00:17:26 Sumir halda jól í Grindavík í fyrsta sinn í tvö ár
• 00:18:56 Síðustu jólagjafirnar
• 00:20:28 Veður
• 00:21:05 Seinni helst

Útvarpsfréttir.