Hádegisfréttir

Hádegisfréttir 29. janúar 2024

Grindvíkingar fengu að fara heim og vitja eigna sinna í morgun í fyrsta sinn frá gosi. Þæfingsfærð á Suðurstrandarvegi gerði ökumönnum erfitt fyrir í morgun.

Stjórnvöld í Íran þvertaka fyrir að bera nokkra ábyrgð á árás sem gerð var á bækistöðvar Bandaríkjahers í Jórdaníu í gær, þar sem þrír hermenn létust. Þrengt er að Bandaríkjaforseta og hann krafinn um að bregðast hart við.

Fulltrúi Framsóknarflokks í utanríkismálanefnd Alþingis gagnrýnir utanríkisráðherra fyrir samráðsleysi þegar hann tók ákvörðun um að fresta greiðslum til Palestínuflóttamannaaðstoðar Sameinuðu þjóðanna.

Mótmæli þúsunda franskra bænda í dag settu umferð í París rækilega úr skorðum. Versnandi lífskjör eru bændum efst í huga í þessu helsta landbúnaðarríki ESB. 15 þúsund lögreglumenn standa vaktina í París frönsku höfuðborginni.

Oddviti Viðreisnar í bæjarráði Kópavogs vill ekki að ráðist verði í umfangsmikla uppbyggingu fyrir eldri borgara í landi Gunnarshólma. Jörðin sé utan vaxtarsvæðis höfuðborgarsvæðisins, á vatnsverndarsvæði og að auki sé ekki fýsilegt að einangra eldri borgara með þessum hætti.

Kona sem er ákærð fyrir að drepa mann í Bátavogi í Reykjavík í september vill ekki að gert sé annað mat á sakhæfi hennar. Hún hefur þegar sætt geðmati. Héraðssaksóknari óskaði eftir öðru mati en konan hefur kært þá ákvörðun.

Óhætt er að ætla að Brennisteinsfjöll séu að rumska, að mati prófessors í eldfjallafræði. Jarðskjálftahrina var suðaustur af höfuðborgarsvæðinu um helgina.

Frumflutt

29. jan. 2024

Aðgengilegt til

Rennur ekki út

• 00:01:45 Grindavík
• 00:04:56 Íranir neita fyrir árás á Bandaríkjaher
• 00:06:36 Gagnrýnir utanríkisráðherra fyrir samráðsleysi
• 00:08:48 Bjarni Benediktsson um flóttamannaaðstoð
• 00:09:27 Ósamþykk uppbyggingu í Gunnarshólma
• 00:11:31 Dagbjört kærir yfirmat á geðrannsókn í Bátavogsmál
• 00:13:03 Stór bændamótmæli í Frakklandi
• 00:14:47 Stubb og Haavisto áfram í næstu umferð
• 00:15:25 Brennisteinsfjöll
• 00:17:16 Ekki enn boðað til fundar
• 00:17:40 Íþróttir
• 00:19:50 Veður
• 00:20:10 Seinni helst

Útvarpsfréttir.