Hádegisfréttir

Hádegisfréttir 15. febrúar 2024

Stefnt er á að leyfa aukna atvinnustarfsemi í Grindavík í næstu viku, segir ríkislögreglustjóri, og koma þannig til móts við ákall atvinnurekenda. Fundað verður með þeim síðdegis í dag.

Fjármálaráðherra mælir fyrir frumvarpi um uppkaup á íbúðarhúsnæði Grindvíkinga á Alþingi í dag.

Ísraelsher hefur ráðist inn á spítala í Khan Younis á Gaza og sakar Hamas um að halda gíslum þar.

Framkvæmdastjóri Samtaka atvinnulífsins er bjartsýn á að ná kjarasamningi við verkalýðshreyfinguna. Sáttasemjari hefur ekki boðað til fundar í deilunni.

Deilur á Bandaríkjaþingi um stuðning við Úkraínu hafa þegar komið niður á getu Úkraínumanna til að verjast innrás Rússa að dómi framkvæmdastjóra Atlantshafsbandalagsins. Ísland og Litáen ætla að leiða samstarf um sprengjuleit og sprengjueyðingu í Úkraínu.

Niðurstöður loðnumælinga suðaustur af landinu gefa enn ekki ástæðu til mikillar bjartsýni. Sveitarfélög sem treysta á loðnuna geta orðið af miklum tekjum ef ekkert veiðist á vertíðinni.

Foreldrar barna sem beitt voru ofbeldi í grunnskólanum í Borup í Danmörku segjast engin svör hafa fengið á fundi með bæjaryfirvöldum í gær.

Úrslitavika bikarkeppninnar í blaki hefst í dag með undanúrslitum í kvennaflokki í Digranesi í Kópavogi. Þar á KA titil að verja.

Frumflutt

15. feb. 2024

Aðgengilegt til

Rennur ekki út

• 00:01:34 Rýmka aðgengi fyrirtækja í næstu viku
• 00:03:46 Skjálftavirkni á Reykjanesskaga
• 00:04:21 Mælir fyrir frumvarpi um uppkaup í Grindavík
• 00:04:50 Bandaríkin leggja fram vopnahlés-hugmyndir
• 00:06:31 Leitin að Jóni Þresti
• 00:07:15 Kjaramálin
• 00:09:23 Árásir á Úkraínu og Rússland
• 00:11:04 Varnarmálaráðherrafundur NATO
• 00:13:48 Loðnukeppni fyrir austan land
• 00:15:44 Tólf á leið yfir Rafa-landamærin
• 00:16:21 Borup-skóli fyrir danska þingið
• 00:17:59 400 þúsund með lögheimili
• 00:18:41 Íþróttir
• 00:20:44 Veður
• 00:21:07 Seinni helst

Útvarpsfréttir.