Hádegisfréttir

Hádegisfréttir 3. febrúar 2024

Grindvíkingar fá að fara inn í bæinn á morgun og á mánudag að vitja eigna sinna. 47 starfsmönnum útgerðar- og fiskvinnslufyrirtækisins Stakkavík í Grindavík var sagt upp í janúar.

Þjóðarleiðtogar óttast að loftárásir Bandaríkjahers á skotmörk í Sýrlandi og Írak ýti undir óstöðugleika í Mið-Austurlöndum.

Grípa þarf til aðgerða strax varðandi aðbúnað fanga á Íslandi, segir formaður Stjórnskipunar- og eftirlitsnefndar Alþingis. Ekki sé nóg að bíða eftir nýju fangelsi á Litla Hrauni sem taki mörg ár að byggja.

Björgunarsveitir á vestur- og suðvesturlandi áttu í nógu að snúast í gærkvöldi og nótt vegna veðurs. Björgunaraðgerðir gengu þó vel og engin slys urðu á fólki.

Forsætisráðherra og formaður Vinstri grænna segir fylgi flokksins vonbrigði. Stuðningur við Samfylkinguna mælist litlu minni en samanlagt fylgi ríkisstjórnarflokkanna, samkvæmt nýjum Þjóðarpúlsi Gallup.

Til stendur að færa rekstur allra bókasafna í Fjarðabyggð á forráð skólastjórnenda í sveitarfélaginu. Um þetta ríkir ekki sátt og hafa sveitarfélaginu borist nokkur erindi þar sem ákvörðuninni er mótmælt.

Janúar var kaldur og umhleypingasamt veður var í lok mánaðar. Samgöngutruflanir urðu vegna hríðaveðurs og rafmagnstruflanir vegna eldinga.

Frumflutt

3. feb. 2024

Aðgengilegt til

Rennur ekki út

• 00:00:00 Helst
• 00:01:37 Staðan í Grindavík
• 00:03:32 Fjölskyldusameiningar
• 00:04:55 Árásir Bandaríkjahers á Sýrland og Írak
• 00:06:41 Fangelsismálin
• 00:09:06 Erill hjá björgunarsveitunum
• 00:10:15 Kjaramálin
• 00:10:35 Katrín og Sigurður Ingi um fylgið
• 00:12:19 Greta Thunberg sýknuð
• 00:13:22 Bókasöfn í Fjarðabyggð
• 00:15:06 Tíðarfar í Janúar
• 00:16:52 Íþróttir

Útvarpsfréttir.