Stöðug virkni er í eldgosi sem hófst í morgun á svipuðum slóðum og gaus 18. desember. Gosspurngan hefur ekki lengst en viðbúið sé að fleiri gosop geti opnast með litlum eða engum fyrirvara. Hraun fór yfir Njarðvíkuræð nú í hádeginu en hún flytur heitt vatn frá Svartsengi í Reykjanesbæ og á ellefta tímanum rann hraun yfir Grindavíkurveg við afleggjarann að Bláa lóninu. Vinna við að tengja fram hjá Njarðvíkuræð er í gangi og heldur áfram á morgun
Heitavatnslaust er nú í efri byggð Keflavíkur, í Sandgerði og Garði. Hættustigi vegna mögulegs vatnsleysisalls staðar á Suðurnesjum hefur verið lýst yfi. Fólk er beðið að bíða með að kynda með rafmagni. Gjall hefur fallið í Grindavík. .
Jarðskjálftavirkni jókst um hálftíma áður en gaus og merki sáust frá gosholum í Svartsengi. Talið er að gosið gæti staðið í nokkra daga.
Forsætisráðherra segir allt kapp lagt á að vernda innviði og dómsmálaráðherra brýnir fyrir almenningi að fylgjast með upplýsingum frá almannavörnum.
Hermenn Ísraelshers eru reiðubúnir að ráðast inn í landamæraborgina Rafah í suðurhluta Gaza en talið er að um helmingur íbúa Gaza hafist þar við. Vonir dvína um að vopnahlé komist á fljótlega.
Utanríkisráðherra segir að innviðir landsins séu sprungnir vegna vaxandi fjölda hælisleitenda. Íslendingar geti ekki haldið áfram að senda út þau skilaboð að þeir ætli að gera mest af öllum þjóðum í flóttamannamálum.
Aðalmeðferð í hryðjuverkamálinu hófst fyrir héraðsdómi Reykjavíkur í morgun.
Hersveitir Rússa sækja nú af krafti að bænum Avdiivka í Donetsk héraðinu í austurhluta Úkraínu, þar sem harðir bardagar hafa staðið yfir undanfarna mánuði. Nánast allir íbúar bæjarins hafa flúið í vesturátt, undan árásarliði Rússa.
