Hádegisfréttir

Hádegisfréttir 21. desember 2023

Engin gosvirkni er sjáanleg í eldstöðvunum við Sundhnúksgíga. Goslokum hefur þó ekki verið lýst yfir, en vísindamenn funda um stöðuna. Miklar viðgerðir hafa staðið yfir í Grindavík og sífellt fleiri grunninnviðir komast í lag. Grindavíkurvegur verður opnaður nú í hádeginu.

Verðbólga í desember mælist sjö komma sjö 7,7 prósent og minnkaði um núll komma þrjú prósentustig á milli mánaða. Hagfræðingur hjá ASÍ telur að það eigi eftir að draga enn frekar úr verðbólgu á næstu mánuðum.

Hamas-samtökin hafna tímabundnu vopnahléi á Gasa, en vopnahlésviðræður eru á afar viðkvæmu stigi. Vonast er til að öryggisráð Sameinuðu þjóðanna greiði atkvæði um ályktun um vopnahlé síðar í dag.

Þingmaður Pírata telur að utanríkisráðherra hafi mögulega gerst brotlegur við siðareglur ráðherra með tilnefningu fyrrverandi aðstoðarmanns síns í starf sendiherra í Bandaríkjunum.

Reykjavíkurborg lagði íslenska ríkið í héraðsdómi Reykjavíkur í gær. Innviðaráðherra segir niðurstöðuna vonbrigði.

Lögreglurannsókn vegna slysasleppingar eldislax í Patreksfirði í ágúst hefur verið hætt. MAST gerir alvarlegar athugasemdir við innra eftirlit og ljósabúnað í skýrslu sem birt verður í byrjun janúar.

Ný ofurdeild í evrópskum fótbolta er í burðarliðnum eftir að Evrópudómstóllinn dæmdi bann UEFA við slíkum deildum ólögmætt í morgun. Fótboltinn er frjáls segja forsvarsmenn ofurdeildarinnar.

Frumflutt

21. des. 2023

Aðgengilegt til

Rennur ekki út

• 00:01:39 Kristín Jónsdóttir - BEINT
• 00:03:37 Staðan í Grindavík - BEINT
• 00:04:40 Yfirmaður fasteigna í Grindavík
• 00:06:31 Opnað fyrir umsóknir Grindvíkinga
• 00:07:15 Verðbólgan minnkar
• 00:08:48 Gasa árásir og samningaviðræður
• 00:10:24 Bjarni og siðareglurnar
• 00:12:07 Varað við hálku
• 00:12:25 Borgin lagði ríkið
• 00:14:00 SKE um Festi
• 00:14:38 Slysasleppingarrannsókn hætt
• 00:16:01 Skíðatímabilið að hefjast á Norðurlandi
• 00:17:49 Íþróttir
• 00:20:16 Veður
• 00:20:39 Seinni helst

Útvarpsfréttir.