Snurða er hlaupin á þráðinn í kjaraviðræðum stóru verkalýðsfélaganna við Samtök atvinnulífsins. Formaður Eflingar segir SA hafa kynnt algerlega óásættanleg leið í viðræðunum sem komi hálaunuðum til góða á kostnað láglaunafólks. Framkvæmdastjóri SA segir tillögu samtakanna vera krónutöluleið sem taki mið af launaskriði og sé líkleg til að standa undir nafni þjóðarsáttar.
Ekki verður unnið að því að koma rafmagni og vatni á hús í Grindavík í dag, vegna slæmra veðurskilyrða sem hafa í för með sér aukna hættu. Heldur hefur dregið úr skjálftavirkni á þessum slóðum.
Auðveldari aðgangur að almenningssamgöngum myndi vonandi koma í veg fyrir meira brottfall grindvískra barna úr íþrótta- og tómstundastarfi. Það er nú þegar mikið enda erfitt að halda úti skipulögðu starfi í nærumhverfi barnanna.
Árásardróna var grandað yfir Pétursborg í Rússlandi í nótt. Þetta var í fyrsta sinn, síðan Rússar réðust inn í Úkraínu, sem sprengjum er beint að borginni sem er sú næst stærsta í landinu.
Nýtt öryggisfjarskiptakerfi á vegum Evrópusambandsins verður tekið upp hér á landi á næstunni, náist að semja um aðkomu Íslands að þessari áætlun. Kerfið þykir vera svar við vaxandi ótta við möguleg skemmdarverk, til dæmis á sæstrengjum.
Tíu þúsund sóttu um að verða nýr gítarleikar bandarísku rokkhljómsveitarinnar Smashing Pumpkins. Hver sem er mátti sækja um.
Íslenska karlalandsliðið í handbolta hefur keppni í milliriðli evrópumótsins í handbolta í kvöld. Liðið mætir þá heimamönnum frá Þýskalandi sem leika undir stjórn Alfreðs Gíslasonar.
