Víðtæk leit stendur yfir að manni sem talinn er hafa fallið ofan í sprungu í Grindavík.
Ísraelsher herðir enn árásir á Gaza. Fimmtán úr sömu fjölskyldu voru drepin í árás á svæði sem herinn segir öruggt. Utanríkisráðherra Bandaríkjanna hittir forseta Palestínu í dag.
Verjandi manns, sem í gær hlaut átta ára dóm fyrir manndráp á Ólafsfirði, gagnrýnir að dómurinn sé þyngri en það sem saksóknari taldi hæfilegt.
Stjórnvöld í Ekvador hafa lýst stríði á hendur glæpagengjum. Ofbeldisalda geisar í landinu, fólk er óttaslegið og þorir vart úr húsi.
Alvotech hefur fengið markaðsleyfi á evrópska efnahagssvæðinu fyrir lyf sem selst þar fyrir 380 milljarða króna á ári.
Gangi spár Ferðamálastofu eftir koma tvær komma fimm milljónir ferðamanna til landsins í ár og hafa aldrei verið fleiri á einu ári.
Matvælaráðherra sem hunsar vilja meirihluta stjórnarþingmanna nýtur hvorki trausts né trúnaðar, segir fyrrverandi þingflokksformaður Sjálfstæðisflokksins.
Tveir pólskir þingmenn voru handteknir í forsetahöllinni í Varsjá í gærkvöld, eftir að forseti pólska þingsins svipti þá þinghelgi. Uppákoman tengist valdabaráttu milli nýju stjórnarinnar og þeirrar sem réði ríkjum undanfarin átta ár.
Kostnaður við pappírspoka hefði getað farið í hálfan milljarð króna á ári hefði dreifingu ekki verið breytt, segir samskiptastjóri Sorpu. Margra ára birgðir eru á mörgum heimilum.
