Hádegisfréttir

Hádegisfréttir 22. febrúar 2026

Efnaminna fólk og minnihlutahópar hafa ekki greitt aðgengi að ópíóíða meðferð að mati formanns Matthildar, samtaka um skaðaminnkun. Strangar kröfur og kostnaður geta komið í veg fyrir að fólk með fíknivanda klári meðferð.

Stjórnvöldum í Danmörku er ekki kunnugt um að bandarískt sjúkraskip sé á leiðinni til Grænlands líkt og Bandaríkjaforseti heldur fram. Forsætisráðherra Danmerkur hefur svarað þessum yfirlýsingum óbeint á samfélagsmiðlum.

Á sjötta hundrað bílar sátu fastir í mikilli ófærð og hríðarveðri á Suðurlandi í gær. Björgunarsveitir og bændur komu ökumönnum til aðstoðar

Morð á ungum manni sem var barinn til bana af pólistískum andstæðingum í Frakklandi þykir merki um djúpa gjá milli andstæðra póla í frönskum stjórnmálum. Þúsundir minntust hægri aðgerðarsinnans Quentin Deranque í borginni Lyon í gær.

Farþegum frá Bandaríkjunum fækkaði um 27 prósent í janúar miðað við sama mánuð í fyrra samkvæmt tölum Ferðamálastofu um brottfarir um Keflavíkurflugvöll.

Byssuskápar hafa selst í hundraðatali eftir að reglur um geymslu skotvopna voru hertar. Skáparnir eiga að tryggja öryggi og koma í veg fyrir að byssum sé stolið.

Lokadagur Vetrarólympíuleikanna í Mílanó og Cortina er í dag og verður leikunum slitið í kvöld. Sænska skíðagöngukonan Ebba Andersson vann 50 kílómetra göngu í morgun og Eileen Gu frá Kína varð sigursælasti skíðafimikeppandi sögunnar þegar hún vann hálfpípu kvenna.

Birt

22. feb. 2026

Aðgengilegt til

Rennur ekki út

• 00:00:00 Helst
• 00:01:38 Þröskuldir að ópíóíðalyfjameðferð
• 00:04:08 Mette um meint sjúkraskip
• 00:05:34 Björgunarsveitir undir Eyjafjöllum
• 00:06:55 Vinstrið í vanda í Frakklandi
• 00:08:33 Tveir sinubrunar í dag
• 00:09:00 Erlendum farþegum fækkar
• 00:10:34 Byssuskápar seljast upp
• 00:12:32 Skaðleg efni í nær öllum heyrnartólum
• 00:14:17 Kajak sem reyndist vera hafís
• 00:14:45 Tyrknesk-þýsk mynd fékk Gullbjörn
• 00:16:07 Íþróttir

Útvarpsfréttir.