Hádegisfréttir

Hádegisfréttir 29.janúar 2026

Verðbólga mælist 5,2% og hefur aukist meira en búist var við. Aðilar vinnumarkaðarins kenna stjórnvöldum um. Fjármálaráðherra vísar hins vegar á olíufélögin og bílasala.

Hagfræðingur segir ólíklegt að Seðlabankinn lækki stýrivexti í næstu viku.

Ráðgjöf um stóraukinn loðnukvóta var gefin út í morgun, loðnan gæti skilað 20-25 milljörðum í þjóðarbúið segir atvinnuvegaráðherra. Forstjóri Síldarvinnslunnar í Neskaupstað segir vöntun á mörkuðum eftir mögur ár og mikla vinnu framundan við að pakka loðnu og hrognum.

Bandaríkjaforseti hótar að ráðast inn í Íran ef ekki verður gengið frá nýjum kjarnorkuvopnasamningi. Líklegt þykir að Evrópusambandið setji Íranska byltingarvörðinn á lista yfir hryðjuverkasamtök.

Tilraunir HSÍ til að fá miða á undanúrslitaleiki EM hafa ekki gengið eftir. HSÍ og Icelandair geta ekki skipulagt hópferðir á viðureign Íslands og Danmerkur annað kvöld.

Stjórnvöld sektuðu elsta sjóð landsins, ölmususjóð sem Brynjólfur biskup stofnaði á sautjándu öld, fyrir að skila ekki inn ársreikningi.

Frumflutt

29. jan. 2026

Aðgengilegt til

Rennur ekki út

• 00:01:23 Verðbólga upp í 5,2%
• 00:03:44 Gjaldskrárhækkanir knúi verðbólgu
• 00:04:32 Fjármálaráðherra um verðbólgu
• 00:06:55 Loðnukvóti fjórfaldaður
• 00:09:33 Atvinnuvegaráðherra um loðnukvóta
• 00:10:30 Samskipti Bandaríkjanna og Íran
• 00:11:43 ESB utanríkisráðherrar funda
• 00:14:26 HSI og miðar á undanúrslit
• 00:16:47 Prófkjör Viðreisnar
• 00:17:20 Sekt á ölmususjóð
• 00:18:41 Íþróttir

Útvarpsfréttir.