Hádegisfréttir

Hádegisfréttir 20. september 2023

Samkeppniseftirlitið er hætt að kortleggja stjórnunar- og eignatengsl í íslenskum sjávarútvegi eftir úrskurð áfrýjunarnefndar samkeppnismála. Forsendur fyrir samningi við matvælaráðuneytið séu brostnar.?

Forstjóri Matvælastofnunar vísar á bug fullyrðingum forstjóra Hvals um að starfsfólk stofnunarinnar leggi Hval hf í einelti og hafi ekkert vit á sjósókn. Þar sé stunduð vönduð stjórnsýsla

Verjendur tveggja manna, sem ákærðir eru fyrir undirbúning hryðjuverka, krefjast þess að málinu verði vísað frá. Ákæran sé óskýr og brjóti gegn meginreglunni um tvöfalda refsimeðferð.

Rýmingum vegna skriðuhættu var aflétt á Seyðisfirði í morgun. Vegurinn til Mjóafjarðar er í sundur og vitaverðir á Dalatanga hafa aðeins talstöð til samskipta eftir að jarðsig rauf bæði veginn þangað og ljósleiðara.

Á Siglufirði var hvasst fram á nótt en ekki varð frekara tjón að sögn slökkviliðsstjóra.

Breska ríkisstjórnin situr á neyðarfundi og ræðir áform forsætisráðherrans um að draga úr eða seinka aðgerðum í loftslagsmálum. Áformin hafa vakið hörð viðbrögð umhverfisverndarsinna, bílaframleiðenda og samherja ráðherrans.

Seðlabankinn telur að bankarnir geti vel gefið svigrúm til endurfjármögnunar á lánum þegar þau eru ekki lengur á föstum vöxtum.

Stríðandi fylkingar í Nagorno-Karabakh hafa samþykkt vopnahlé um sólahring eftir að Aserar hófu árásir á héraðið. Friðarviðræður eiga að hefjast á morgun.

Hvorki mælist aflögun né mælist á GPS-mælum við Skjaldbreið. Þar hafa mælst rúmlega sex hundruð jarðskjálftar frá því í júní. Skýringin er sennilega spenna sem losnar við landrekshreyfingar.

Frumflutt

20. sept. 2023

Aðgengilegt til

Rennur ekki út

• 00:01:56 Samkeppniseftirlitið og Brim
• 00:04:21 Krefjast frávísunar í hryðjuverkamáli
• 00:05:16 Rýmingum aflétt á Seyðisfirði
• 00:06:36 Hreinsun hafin í Fjallabyggð
• 00:08:22 Bankarnir eiga nóg til að styðja við fólk
• 00:08:57 MAST bregst við gagnrýni forstjóra Hvals
• 00:10:32 Bretar slaka á loftslagsmarkmiðum
• 00:12:35 Einn enn á sjúkrahúsi eftir rútuslys
• 00:13:02 Vopnahlé í Nagorno-Karabakh
• 00:14:39 Vara við ferðalögum til Kanada
• 00:15:17 Deilur innan ESB um korn frá Úkraínu
• 00:17:25 Sundabraut - matsáætlun
• 00:17:50 Skjálftahrina við Skjaldbreið
• 00:18:29 Íþróttir

Útvarpsfréttir.