Hádegisfréttir

Hádegisfréttir 13. febrúar 2026

Það er enginn eiginlegur niðurskurður á Landspítalanum, segir Daði Már Kristófersson fjármálaráðherra. Í raun hafi ekki verið gerð krafa um niðurskurð á spítalanum.

Tugir þjóðarleiðtoga og áhrifamanna víðsvegar að úr heiminum eru saman komnir í München í Þýskalandi þar sem árleg öryggisráðstefna hefst í hádeginu.

Dor­rit Moussai­eff segist hafa lítil sem engin samskipti haft við Jeffrey Epstein og kveðst í svörum til Mannlífs undrandi á að nöfn þeirra Ólafs Ragnars Grímssonar séu í Epstein-skjölunum.

Lögmaður fólks sem var vistað í Bakkakoti á barnsaldri segir að mikið hafi fjölgað í hópi þeirra sem vilja aðstoð við að sækja sanngirnisbætur til ríkisins.

Ákvörðun Bandaríkjastjórnar um að fólki standi ekki hætta af gróðurhúsalofttegundum hefur víðtæk áhrif um allan heim, segir Halldór Þorgeirsson, formaður Loftslagsráðs.

Formaður fjárlaganefndar Alþingis fullyrðir að loðnustofninn sé vanmetinn og að misheppnuð haustmæling valdi því að loðnukvótinn sé hundrað þúsund tonnum of lítill. Sviðstjórn hjá Hafró hafnar því og segir útreikningana ranga.

Lokað hefur verið fyrir skilaboðaforritið WhatsApp í Rússlandi og hert að Telegram. Þrýst er á fólk að nota í staðinn ríkisstyrkt app. Mannréttindasamtök saka stjórnvöld um stafræna kúgun.

Birt

13. feb. 2026

Aðgengilegt til

Rennur ekki út

• 00:03:54 Öryggisráðstefnan í München hefst
• 00:06:49 Fluttur heim til Íslands eftir bílslys í Suður-Afr
• 00:07:33 Kínverjar selja sig út úr Elkem
• 00:09:23 Dorrit tjáir sig um tengslin við Epstein
• 00:10:50 Formaður Loftslagsráðs um gróðurhúsalofttegunda
• 00:12:51 35 vilja sækja sanngirnisbætur
• 00:14:10 Lokað fyrir WhatsApp í Rússlandi
• 00:16:11 Segir loðnustofninn vanmetinn
• 00:17:59 Íþróttir
• 00:42:02 Fjármálaráðherra um niðurskurð á Landspítala

Útvarpsfréttir.