Hádegisfréttir

Hádegisfréttir 11. apríl 2026

Aðalhagfræðingur Íslandsbanka telur að þær tímabundnu efnahagsaðgerðir sem ríkisstjórnin kynnti í gær dragi úr óvissu á vinnumarkaði. Hins vegar sé líklegt að eldsneytisverð hækki aftur í haust.

Stjórnarandstaðan í Ungverjalandi er með afgerandi forystu í könnunum, daginn áður en kjörstaðir verða opnaðir. Allt útlit er því fyrir að dagar Viktors Orbán í stóli forsætisráðherra séu taldir.

Friðarviðræður milli Bandaríkjamanna og Írana hófust í Pakistan í morgun. JD Vance varaforseti Bandaríkjanna er meðal viðstaddra. Búist er flóknum og erfiðum viðræðum..

Kröfu lögreglunnar á Suðurnesjum um gæsluvarðhald vegna alvarlegs umsáturseineltis í tengslum við birtingu falskrar dánartilkynningar í morgunblaðinu var hafnað í héraðsdómi Reykjaness í morgun.

Stjórn Sólheima hefur sagt upp þjónustusamningi sínum við þrettán sveitarfélög á suðurlandi vegna ágreinings um fjárframlög. Stjórnarformaður vonast til að nýr þjónustusamningur náist sem fyrst.

Kvennalandslið Íslands í handbolta mætir Portúgal í úrslitaleik um sæti á Evrópumótinu á morgun. Leikmenn Íslands hlakka til baráttunnar í hreinum úrslitaleik.

Birt

11. apríl 2026

Aðgengilegt til

Rennur ekki út

Útvarpsfréttir.