Hádegisfréttir

Hádegisfréttir 16. apríl 2024

Hið fornfræga hús Børsen í Kaupmannahöfn stórskemmdist í eldsvoða í morgun. Enn er barist við eldinn. Byggingin hefur verið hornsteinn dansks viðskiptalífs í 400 ár.

Sameina á ríkisstofnanir og auka hagræðingu í ríkisrekstri á næstu árum samkvæmt fjármálaáætlun ríkisstjórnarinnar sem var kynnt í morgun. Fjármálaráðherra segir að ekki verði gripið til niðurskurðar.

Píratar og Flokkur fólksins hafa lagt fram vantrauststillögu á ríkisstjórnina. Þingmaður Pírata segir forsætisráðherraskiptin kveikjuna að tillögunni. Forsætisráðherra segir þetta örvæntingarfullt og veikt útspil.

Mannréttindadómstóll Evrópu úrskurðaði í morgun að íslenska ríkið hafi brotið gegn ákvæðum mannréttindasáttmálans um kosningar við Alþingiskosningar 2021. Sérfræðingur í stjórnskipunarrétti segir að taka þurfi eftirlitskerfið til gaumgæfilegrar skoðunar.

Sveitarstjórnir á Norður- og Austurlandi vilja að nýr matvælaráðherra geri breytingar á kerfi strandveiða. Sveitarfélögin töpuðu hálfum milljarði króna í fyrra vegna skyndilegrar stöðvunar veiðanna.

Mánuður er liðinn frá því eldgos hófst á Reykjanesskaga. Það stendur enn og hefur staðið lengst allra eldgosanna á Sundhnjúksgígaröðinni.

Íslandsmeistarar Vals og bikarmeistarar Vík­­ings mæt­ast í Meist­ara­keppni kvenna í fótbolta í kvöld. Leikurinn markar upphaf fótboltasumarsins hjá konunum.

Frumflutt

16. apríl 2024

Aðgengilegt til

Rennur ekki út

• 00:01:40 Børsen í Kaupmannahöfn brennur
• 00:06:30 Fjármálaáætlun kynnt
• 00:08:50 Vantraust á ríkisstjórnina
• 00:10:44 MDE um talningu í NV
• 00:12:48 Næst lengsta gosið á Reykjanesskaga síðan 2021
• 00:13:14 Funda með ráðherra um strandveiðar
• 00:14:52 Flutningaskip vélarbilun
• 00:15:22 FBI rannsakar hrun brúarinnar
• 00:16:36 Biskupskjör
• 00:17:05 Trump yfirgefur réttarsal
• 00:18:20 Íþróttir

Útvarpsfréttir.