Hádegisfréttir

Hádegisfréttir 06. október 2023

Forsætisráðherra segir ummæli Áslaugar Örnu Sigurbjörnsdóttur háskólaráðherra á sjávarútvegsdeginum í vikunni. ummælin beindust að Svandísi Svavarsdóttur matvælaráðherra, alls ekki viðeigandi. Hún ræddi einslega við Áslaugu eftir ríkisstjórnarfund í morgun. Áslaug segist skilja gremju Svandísar en ummælin hafi verið tekin úr samhengi.

Fimm sinnum þurfti að skjóta hvali tvisvar á hvalveiðitímabilnum sem er nýlokið og einu sinni gaf lína sig og hvalur sem búið var að skjóta sökk, sex frávik urðu því við veiðarnar.

Umsjónarmaður sanngirnisbóta segir líklegt að þeir sem voru á vöggustofum í Reykjavík á seinni hluta síðustu aldar eigi rétt á bótum. Hann segir niðurstöður skýrslu um starfsemi vöggustofanna sláandi en komi ekki á óvart.

Bandaríkjaforseti segir ríkisstjórn sína ekki hafa getað stöðvað framkvæmdir við landamæravegg í Texas. Báðir flokkar þingsins gagnrýna forsetann.

Deilur um móttöku flóttafólks setja mark sitt á leiðtogafund Evrópusambandsins á Spáni. Leiðtogar Póllands og Ungverjalands á fundinum eru æfareiðir vegna nýlegs samkomulags sem skyldar aðildarríki að taka á móti flóttafólki, eða leggja til fjármuni til aðstoðar.

Forseti læknadeildar Háskóla Íslands og hundurinn Frosti ganga í allan dag til styrktar Grensásdeild Landspítala vegna landssöfnunar í sjónvarpinu í kvöld. Stækkun Grensás markar tímamót.

Frumflutt

6. okt. 2023

Aðgengilegt til

Rennur ekki út

• 00:01:38 Áslaug og Katrín eftir ríkisstjórnarfund
• 00:03:39 Ólgan í ríkisstjórn
• 00:05:04 Sex frávik á hvalveiðitímabilinu
• 00:07:03 Halldór Þormar um vöggustofuskýrsluna
• 00:09:02 Orkusalan vill ræða kaup á Fallorku
• 00:11:03 Biden gagnrýndur vegna landamæraveggs
• 00:12:55 Leiðtogafundur í Granada
• 00:14:39 Friðarverðlaun Nóbels
• 00:16:41 Forseti Læknadeildar hleypur til góðs
• 00:18:22 Prada aðstoðar við hönnun tunglgalla
• 00:18:57 Íþróttir
• 00:20:24 Veður
• 00:20:52 Seinni helst

Útvarpsfréttir.