Hádegisfréttir

Hádegisfréttir 24. nóvember 2023

Það tekur marga mánuði að gera við skemmdir í Grindavík og ólíklegt að Grindvíkingar geti haldið jólin heima.

Frumvarp um sértækan húsnæðisstuðning til að koma til móts við aukinn kostnað þeirra sem þurfa að leigja sér húsnæði utan Grindavíkur vegna jarðhræringanna verður lagt fyrir þingið eftir helgi.

Bandarískt fyrirtæki hefur gert yfirtökutilboð í Marel. Hlutabréf í Marel hækkuðu verulega og Kauphöllin stöðvaði viðskipti með þau um tíma í morgun.

Maður var stunginn með hnífi í Grafarholti snemma í morgun. Hann er ekki í lífshættu, en fjórir eru í haldi lögreglu.

Vopnahlé er hafið á Gaza. Enn sem komið er virðist það halda og verði svo áfram verða fyrstu ísraelsku gíslarnir látnir lausir í dag.

Fjölskylda og helsti umönnunaraðili fjölfatlaðs hælisleitanda þarf að fara úr landi á þriðjudag, samkvæmt ákvörðun Útlendingastofnunar. Sjálfur verður maðurinn eftir. Ekki er hægt að fresta brottvísuninni, segir upplýsingafulltrúi stofnunarinnar.

Þrjátíu og fjórir voru handteknir í hörðum óeirðum í Dublin á Írlandi í gær. Lögreglustjóri segir að mun fleiri verði hnepptir í varðhald og kallar óeirðarseggina öfgahægribrjálæðinga.

Heilbrigðisnefnd Norðurlands eystra átelur Akureyrarbæ fyrir að gera ekkert til að draga úr svifryki. Mælingar Umhverfisstofnunar sýna að hvergi er andrúmsloftið jafn oft heilsuspillandi og á Akureyri.

Leikmaður Hauka fékk hjartastopp í leik liðsins gegn Tindastóli í efstu deild karla í körfubolta í gærkvöldi. Hann liggur á sjúkrahúsinu á Akureyri.

Frumflutt

24. nóv. 2023

Aðgengilegt til

Rennur ekki út

• 00:01:44 Tekur mánuði að gera við í Grindavík
• 00:02:52 Blaðamannafundur
• 00:05:08 Ráðherrar heimsækja Grindavík
• 00:05:32 Bandarískt fyrirtæki vill kaupa Marel
• 00:07:23 Miklar hækkanir í kauphöllinni
• 00:07:39 Hnífstunga
• 00:08:14 Vopnahlé hafið á Gaza
• 00:10:19 Íslandsbankahús rifið
• 00:11:50 Útlendingastofnun um Hussein Hussein og fjölskyldu
• 00:13:50 Rússar reyna að ná Avdiivka í Úkraínu
• 00:14:26 Fordæmalausar óeirðir í Dublin
• 00:16:09 Þjófnaður í Bolungarvík
• 00:16:32 Óboðlegt ástand í svifryksmálum
• 00:18:14 Íþróttir
• 00:19:59 Veður
• 00:20:20 Seinni helst

Útvarpsfréttir.