Hádegisfréttir

Hádegisfréttir 16. maí 2026

Þjóðin gengur að kjörborðinu í dag. Kjörfundur hófst klukkan níu í morgun og eru kjörstaðir almennt opnir til klukkan tíu.

Kjörsókn í Reykjavík er ívið meiri nú en í síðustu kosningum. Annars staðar á landinu er kjörsókn á pari við síðustu kosningar.

Nærri annar hver íbúi í Grafarvogi hyggst kjósa Sjálfstæðisflokkinn samkvæmt skoðanakönnun Gallups. Fylgi flokksins minnkar því vestar sem dregur.

Ísraelsher drap sjö, hið minnsta, og særði tugi í loftárásum á Gaza í gær. Einn leiðtoga Hamas var felldur í árásunum.

Leiðtogi danska stjórnmálaflokksins Venstre hefur boðið leiðtoga Jafnaðarmanna og starfandi forsætisráðherra Danmerkur, Mette Frederiksen til stjórnarmyndunarviðræðna í dag.

Leikmenn Tindastóls komu í veg fyrir hátíðarhöld í Grindavík í gærkvöldi og héldu um leið í vonina um að hampa Íslandsmeistaratitlinum í körfubolta.

Búið er að aflýsa öðrum hring á Íslandsmótinu í golfi vegna veðurs.

Birt

16. maí 2026

Aðgengilegt til

Rennur ekki út

• 00:01:15 Beint úr ráðhúsinu
• 00:03:37 Kjörsókn á landsbyggðinni
• 00:05:36 Kosið á Svalbarðseyri
• 00:07:37 Rýnt í könnun
• 00:09:33 Kosningavakan
• 00:11:12 Hamas-leiðtogi felldur á Gaza
• 00:12:28 Frederiksen boðið til viðræðna
• 00:12:54 Samtök smærri útgerða
• 00:14:34 Ný aðstaða í Sundhöll Selfoss
• 00:16:34 Íþróttir
• 00:18:59 Veður
• 00:19:09 Seinni helst

Útvarpsfréttir.