Hádegisfréttir

Hádegisfréttir 11. febrúar 2026

Níu voru skotnir til bana og 25 særðust í tveimur skotárásum í skóla og heimahúsi í kanadískum smábæ í gær. Lögregla telur gerandann þann sama í báðum árásum.

Fangelsismálastjóri segir að skoða þurfi alvarlega hvernig símar komust inn á Litla-Hraun. Símar fundust í fimm af níu klefum, í aðgerðum lögreglu á Íslandi og Europol gegn alþjóðlegum fíkniefnahring.

Hryðjuverkamálið er fyrir Hæstarétt í dag. Sindri Snær Birgisson og Ísidór Nathanson voru sýknaðir í héraði og Landsrétti af ákæru fyrir að skipuleggja hryðjuverk. Ríkissaksóknari taldi Hæstarétt verða að fjalla um lagatúlkun Landsréttar.

Reyðfirðingar fengu enga viðvörun áður en öflug sprenging varð í efnisnámu skammt frá bænum í gærkvöld. Hús nötruðu og fólk á útivistarsvæði skammt frá varð óttaslegið.

Búist er við að NATO auki á næstunni varanlega viðveru á norðurslóðum til að tryggja öryggi og varnir bandalagsríkja. Framkvæmdastjóri bandalagsins boðar til blaðamannafundar síðdegis.

Ísland stendur í stað á lista Transparency International sem mælir spillingu ríkja.

Bandaríska tónlistarkonan Britney Spears hefur selt réttinn að allri tónlist sinni á jafnvirði 25 milljarða króna.

Glæfralegt heljarstökk, sem var bannað í hálfa öld, hefur vakið athygli á skautasvellinu á Vetrarólympíuleikunum. Engin stig fást fyrir stökkið.

Danski knattspyrnustjórinn Thomas Frank hefur verið rekinn frá Tottenham. Liðið er í fallbaráttu í ensku úrvalsdeildinni.

Birt

11. feb. 2026

Aðgengilegt til

Rennur ekki út

• 00:00:00 Vonbrigði að símar hafi fundist í fangaklefum
• 00:01:39 9 drepin í skotárásum í Kanada
• 00:03:43 Farsímar í klefum á Litla-Hrauni
• 00:06:21 Hryðjuverkamálið tekið fyrir í Hæstarétti
• 00:08:41 Aukin umsvif NATO á Norðurslóðum
• 00:10:02 Sprenging hræddi fólk á Reyðarfirði
• 00:12:08 Ísland stendur í stað á spillingarlista
• 00:13:30 Ungmennaráð Vestfjarða um almenningssamgöngur
• 00:15:19 Britney selur tónlistina
• 00:16:38 Hættulegt stökk sem gefur engin stig
• 00:18:29 Íþróttir

Útvarpsfréttir.