Hádegisfréttir

Hádegisfréttir 6. febrúar 2026

Úttekt verður gerð á stöðu fósturbarna hér á landi og aðstæður þeirra sem voru á fósturheimilinu Bakkakoti rannsakaðar sérstaklega. Þetta var ákveðið á ríkisstjórnarfundi í morgun. Börnum sem voru í fóstri á Bakkakoti verður boðin bæði sálfræði- og áfallaaðstoð.

Ekki er útilokað að enn meiri loðnukvóti verði gefinn út á þessari vertíð. Hafrannsóknastofnun sendir rannsóknarskip til rannsókna í næstu viku.

Tekjur Icelandair voru aldrei meiri en á síðasta ári og í fyrsta sinn flutti flugfélagið yfir fimm milljónir farþega. Samt var tap á rekstri fyrirtækisins.

Að minnsta kosti einn er látinn í Portúgal og konu er saknað á Spáni eftir flóð af völdum stormsins Leonardo. Þúsundir hafa þurft að yfirgefa heimili sín.

Vetrarveður gengur yfir Danmörku. Skólar eru lokaðir og almenningssamgöngur í lamasessi.

Farþegi í flugvél SAS sem þurfti að nauðhemla eftir að hafa óvart reynt flugtak frá akbraut segist aldrei hafa upplifað neitt því líkt. Vélin var á 200 kílómetra hraða þegar mistökin uppgötvuðust.

Fyrirhuguð bygging smáhýsa í Garði í Suðurnesjabæ hefur valdið úlfúð meðal sumra íbúa. Úrskurðarnefnd umhverfis- og auðlindamála er komin í málið.

TikTok er ávanabindandi og skaðlegur samfélagsmiðill að mati framkvæmdastjórnar ESB.

Óvenju hægviðrasamt var á landinu í janúar og snjólétt með eindæmum víða. Ekki hefur mælst minni úrkoma í Reykjavík frá árinu 1936.

Birt

6. feb. 2026

Aðgengilegt til

Rennur ekki út

• 00:01:52 Ríkisstjórn um Bakkakot
• 00:05:12 Möguleiki á enn meiri loðnu
• 00:05:59 Bogi Nils um ársuppgjör Icelandair
• 00:08:11 Einn látinn af völdum Leonardo
• 00:09:42 Vetrarveður í Danmörku
• 00:11:03 Farþegi í SAS vél
• 00:12:59 Tik tok
• 00:14:30 Smáhýsi í Garði
• 00:16:46 Tíðarfar í janúar
• 00:18:26 Íþróttir
• 00:20:14 Veður
• 00:20:35 Seinni helst

Útvarpsfréttir.