Hádegisfréttir

Hádegisfréttir 19.ágúst 2025

Vonir hafa glæðst um að samið verði um frið í Úkraínu. Bandaríkjaforseti virðist hafa sannfært forseta Rússlands og Úkraínu um að hittast á fundi á næstunni.

Forsætisráðherra segir að friðarsamkomulag þurfi að fela í sér skýr skilaboð um fælingu enda sýni sagan að Rússum sé ekki treystandi.

Fiskistofa sendir norska kafara í Haukadalsá á Vesturlandi í dag í leit að löxum sem gætu átt uppruna í sjókvíaeldi. Einn slíkur lax veiddist á Norðurlandi í gær.

Spenna hefur verið að byggjast upp í Brennisteinsfjöllum suður af höfuðborgarsvæðinu. Hún mun á endanum leiða af sér skjálfta, sem gæti orðið allt að 6,4 að stærð.

Hraði landriss undir Svartsengi er svipaður og fyrir síðasta gos. Sérfræðingar Veðurstofunnar telja að gosið gæti aftur á næstu mánuðum.

Framkvæmdastjóri fyrirtækis sem kvartaði undan viðskiptaháttum Landsvirkjunar á raforkumarkaði, telur að niðurstaða Samkeppniseftirlitsins skapi betri forsendur fyrir samkeppni.

Yfir sextíu tjónatilkynningar hafa borist tryggingarfélögunum vegna úrhellisrigningar á suðvesturhorninu á föstudag.

Aldrei hafa fleiri verið í þjónustu hjá starfsendurhæfingarsjóðnum VIRK. Nýjar umsóknir hafa aukist um átján prósent frá sama tíma í fyrra.

113 ára gömul kirkja í nyrstu borg Svíþjóðar verður flutt fimm kílómetra á nýjan stað. Ferðin tekur tvo daga og var fleiri ár í undirbúningi.