Hádegisfréttir

Hádegisfréttir 11. júní 2025

Óljóst er hvers vegna hjól losnaði af flugvél í gærkvöld og lenti við Alþingishúsið. Þetta er skilgreint sem alvarlegt flugatvik -

Tugir manna voru handteknir fyrir að brjóta útgöngubann í Los Angeles sem sett var vegna mótmæla undanfarinna daga. Bandaríkjaforseti segir mótmælendur ógna friði og sjálfstæði bandarísku þjóðarinnar.

Loftslagsváin er ein stærsta ógn samtímans. Þetta er mat evrópskrar nefndar um loftslag og heilsu. Nefndin segir að aðgerða sé þörf strax.

Salmonella hefur greinst á kúabúi í Eyjafirði. Sjaldgæft er að sýkingin greinist í nautgripum hér á landi. Matvælastofnun biður bændur í nágrenninu að vera vakandi fyrir sjúkdómseinkennum.

Formaður samtaka ferðaþjónustunnar segir að fyrirvara á áformum flugfélagsins Play valdi því að ekki sé hægt að tala um högg á ferðaþjónustuna. Hins vegar gætu einhver áhrif komið fram í vetur.

Atkvæðagreiðsla hefst eftir hádegi um vantraust á ríkisstjórn Póllands. Forsætisráðherrann bað sjálfur um atkvæðagreiðsluna eftir að þjóðernissinni var kjörinn forseti.