Hádegisfréttir

Hádegisfréttir 12. mars 2026

Síminn hefur gert tilboð í vefmiðla og útvarpsstöðvar Sýnar, þar með talið Vísi og Bylgjuna. Gangi kaupin í gegn verða það ein stærstu viðskipti í íslenskri fjölmiðlasögu.

Formaður Blaðamannafélags Íslands vonar að þetta verði jákvæðar breytingar þrátt fyrir óvissu sem þeim fylgi. Síminn sé öflugur bakhjarl og standi betur en Sýn fjárhagslega. Neikvætt sé fyrir þjóðina að sjónvarpsfréttum verði hætt.

Allt að 3,2 milljónir hafa neyðst til að yfirgefa heimili sín í Íran og um 800 þúsund í Líbanon. Árásir Ísraelshers á Líbanon stigmagnast og varnarmálaráðherra Ísraels hótar innrás.

Íslensk stjórnvöld taka þátt í máli Suður-Afríku gegn Ísrael fyrir Alþjóðadómstólnum í Haag. Þetta er í fyrsta sinn sem Ísland tekur beinan þátt í máli fyrir dómstólnum.

Aðalhagfræðingur Landsbankans segir að kjarasamningar á almennum vinnumarkaði geti verið í uppnámi vegna verðbólgu. Auknar líkur séu á að forsendur samninganna haldi ekki vegna verðbólgu.

Fjöldi snjóflóða hefur fallið í Súðavíkurhlíð í dag og veginum hefur verið lokað. Þá féllu tvö snjóflóð fyrir ofan Flateyri. Flateyrarvegur er á óvissustigi.

Nýr forseti Chile sór embættiseið í gær. Hann er talinn íhaldssamasti forseti Chile síðustu þrjátíu ár.

Undanúrslit í bikarkeppni kvenna í blaki eru í dag. Ríkjandi Íslands- og bikarmeistarar mæta til leiks.

Birt

12. mars 2026

Aðgengilegt til

Rennur ekki út

• 00:01:28 Síminn að kaupa miðla Sýnar
• 00:05:00 Formaður BÍ um kaup Símanns á miðlum Sýnar
• 00:06:41 Ísland tekur þátt í máli S-Afríku gegn Ísrael
• 00:09:33 Stigmögnun átaka í Mið-Austurlöndum
• 00:11:22 Stærsti skjálfti í Torfajökli á öldinni
• 00:11:50 Snjóflóð og lokanir á vegum
• 00:12:42 Norðanhríð hefur áhrif á umferð
• 00:14:11 Stýrivaxtaákvörun í næstu viku
• 00:16:04 Meiri álagning en ætti að vera
• 00:16:32 Nýr forseti Chile sver embættiseið
• 00:18:21 Íþróttir

Útvarpsfréttir.