Hádegisfréttir

Hádegisfréttir 13. júní 2026

Forsætisráðherra Pakistan segir líkur á að friðarsamningur milli Bandaríkjanna og Írans verði undirritaður á næsta sólarhringnum. Ísraelsher hefur drepið minnst fimm í Líbanon í morgun og skipað íbúum tuttugu bæja og þorpa að flýja.

Frumvarp um lagareldi verður að líkindum ekki afgreitt á þessu þingi. Stefnt er að þinglokum í næstu viku. Stjórnarandstaðan vill að þing komi saman á ný í ágúst í aðdraganda þjóðaratkvæðagreiðslunnar um aðildarviðræður við ESB.

Formaður Samtaka atvinnulífsins segir óraunhæft að leysa verðbólguna með því að fyriræki landsins lækki eða frysti verð líkt og félagsmálaráðherra lagði til í gær. Hann kallar þess í stað eftir samhentu átaki.

Aðstoðaryfirlögregluþjónn segir dyraverði sem starfi á skemmtistöðum án starfsleyfis oft vinna fyrir stór fyrirtæki. Lögregla lokaði þremur skemmtistöðum í nótt.

Tvö gervigreindarlíkön fyrirtækisins Anthropic hafa verið tekin úr notkun eftir að bandarísk stjórnvöld sögðu að þau ógnuðu þjóðaröryggi.

Kuðungurinn fjörudoppa hefur fundist lifandi á Íslandi í fyrsta sinn. Eina fjörudoppan sem hafði fundist hér fram að því var yfir milljón ára gömul.

Stærðarinnar góðgerðargolfmót stendur nú yfir í Mosfellsbæ. Þar er safnað fyrir sumarbúðirnar Reykjadal. Við lítum við á mótinu í fréttatímanum.

Jón Þór Hauksson er tekinn við sem nýr þjálfari karlaliðs Stjörnunnar í fótbolta. Knattspyrnudeild Stjörnunnar og Jökull Elísabetarson komust að samkomilagi um starfslok Jökuls í gær.

Birt

13. júní 2026

Aðgengilegt til

Rennur ekki út

• 00:01:43 Árásir og yfirvofandi friðarsamningur
• 00:03:22 Þingfundur á laugardegi
• 00:05:58 Fyrirtækin ekki verðbólguvaldur
• 00:08:07 Skemmtistöðum lokað
• 00:09:21 Orrustuþotur mætast við Svíþjóð
• 00:09:43 Anthropic lokar tveimur gervigreindarlíkönum
• 00:11:14 Nafn Trumps tekið af manningarhúsi
• 00:12:06 Fjörudoppa á Íslandi í fyrsta sinn í milljón ár
• 00:14:02 Safnað fyrir Reykjadal á Palla-open
• 00:15:55 Íþróttir

Útvarpsfréttir.