Hádegisfréttir

Hádegisfréttir 9. mars 2026

Búist er við hitafundi á Alþingi í dag þegar umræða um þjóðaratkvæðagreiðslu um framhald viðræðna um aðild að ESB hefst. Líklegt er að umræðan klárist á morgun.

Ísraelsher hefur hafið umfangsmiklar loftárásir á Íran á ný. Íranar skutu eldflaugum að Ísrael í nótt og gerðu árásir í morgun, þær fyrstu eftir að nýr æðstiklerkur var valinn. Barnahjálp Sameinuðu þjóðanna segja 83 börn hafa verið drepin í loftárásum Ísraela á Líbanon.

G7-ríkin - helstu iðnríki heims - ræða í dag hvort nýta eigi neyðarbirgðir olíu vegna hækkandi heimsmarkaðsverðs. Evrópusambandið segir að olíuskortur sé ekki yfirvofandi í heimsálfunni þar sem aðildarríki búi að 90 daga neyðarbirgðum.

Fjörutíu og einn Íslendingur hefur yfirgefið átakasvæði í Miðausturlöndum með skipulögðu björgunarflugi með aðstoð borgaraþjónustu utanríkisráðuneytisins og Almannavarna.

Verktakar hófu í morgun að rífa íbúðahús sem eyðilögðust í jarðhræringunum í Grindavík.

Netverslanir og smáframleiðendur á landsbyggðinni vilja aukna samkeppni í póstflutningum. Dropp skoðar að fjölga móttökustöðvum. Hægt er að senda vörur frá þremur stöðum á Norðurlandi.

Íslenska karlalandsliðið í handbolta spilar tvo æfingaleiki við Svíþjóð í næstu viku. Arna Sigríður Albertsdóttir, eini íslenski keppandinn á Vetrarólympíumóti fatlaðra, keppir í sprettgöngu á morgun.

Birt

9. mars 2026

Aðgengilegt til

Rennur ekki út

• 00:01:38 ESB-viðræður ræddar á þingi
• 00:03:47 Staðan í Miðausturlöndum
• 00:07:10 Oliuverð
• 00:08:56 Hagvöxtur í Noregi
• 00:09:55 Íslendingar á heimleið frá Mið-Austurlöndum
• 00:11:19 Niðurrif í Grindavík
• 00:13:08 Hjúkrunarrými
• 00:13:49 Gerry Adams fyrir rétt
• 00:15:07 Kauphöllin í dag
• 00:15:24 Netverslanir á landsbyggðinni
• 00:17:21 Varað við hvassviðri og lélegu skyggni
• 00:17:49 Árekstur í hálku á Fjarðarheiði
• 00:18:17 Íþróttir
• 00:20:21 Veður
• 00:20:46 Seinni helst

Útvarpsfréttir.